Popular Bible Verses from Lk 3

Share

Letan tou bann dimoun finn fini pran batem, e ki Zezi ousi finn fini batize, letan li pe priye, lesiel ouver, e Lespri Sin desann lor li dan form enn vre kolonb, ek enn lavwa sorti dan lesiel, li dir, “Tomem mo Garson ki mo kontan, to fer mo boner.”

Zan reponn zot tou, “Mwa, mo batiz zot ar dilo; me ena enn ki pli for ki mwa ki pe vini; mwa, mo mem pa dign pou larg so lase soulie; li pou batiz zot ar Lespri Sin ek dife.

Prodwir bon fri ki montre ki zot finn sanz zot leker. Pa nek zis dir dan zotmem, ‘Abraam nou papa!’ Parski les mo dir zot, avek sa bann ros la, Bondie kapav fer bann desandan Abraam leve.

Asterlamem laserp finn fini pare pou koup bann pie depi zot rasinn. Tou bann pie ki pa raport bon fri pou koupe e pou zet dan dife.”

Kouma finn ekrir dan liv profet Izai, “Enn lavwa ape kriye dan dezer, prepar sime Lesegner, dres so santie drwat. Tou vale pou konble, sak montagn ek kolinn pou aplati, saki traver pou vinn drwat, sime kabose pou vinn plat ek Bondie pou sov tou dimoun.”