Popular Bible Verses from 1Mos. 28

Share

Repdem, Kuropmake samba kusakkeri le geti ekeu, senen kaipa nuei, samba Kuambit geti ekeu toili ka kupkumen laggai nene. Ta' Kukakaddiuake geti teret Kugalai sangamberi sipalelekKu katubum.”

Samba ka be'benia murio si TUHAN samba kuanangan, “Aku te TUHAN, Taikamanua panindogiet Abraham samba Ishak. Kuaake te geti katubum samba ka sapunuteteunu polak kudduat peremannu nene.

Lepa suru si Jakob ka peremannia samba kuanangan, “si TUHAN ainia ka kudduat sene, tapoi keneigetnan le akuagainia!”

Lepa pusuppanangan si Jakob, “Ke' si TUHAN masirop samba masisakeri aku ka puenunganan nene samba masiake katubukku komen samba bibilet pat toiliaku ka lalep ukkuiku ka bagat arau baga, bailiunangan si TUHAN Taikamanuangku. Samba bukku sirioakenenku ibailiu geti kudduat panindogat kai TUHAN. Kasangamberi siakeNu katubukku mariuriu le kupanguruatnake seperpulu katubuM.”

Sapunuteteunu ibailiu geti kele igit abu ka polak. Rapalio geti kupkumendra kasangaliot tutut polak, kapaneiteiatnu samba kasapunuteteunu, Kupanukani le sangamberi bangsa ka polak.

Kudduat nenda ioniakenia Betel; siboiki oninia Lus.