Popular Bible Verses from Pugap. 4

Share

Oto ta anai kasei pa sabagei kabaraiat puaragat, ta anai poi oni bagei aikau Taikamanua ka sirimanua ka tei manua nene siooi masiarauake sita.”

Kele ailepa rapanindou, pueggeunangan kudduat parururukatda, sopsopnagan sia Ketsat Sipunenan sangamberida, maemerangan masitiboi tiboiet Taikamanua.

Oto kineneiget Tuhan, itco palotokatda samba ake ka sapaguguletnu eme masipaarep tiboietnu.

Jesus nene te kuanennia ka Surat Sipunenan, ‘Bukku sipasibbumui tai tukang, aibailiuan nia bukkut inan arigi.’

Tenan le kisei ka bagada sipurarapat raitco emenia si Petrus samba si Johannes, araagaian bagei sirimanua sitaipusisikola samba sitaiagai surat le sia; samba raagai alei Jesus le sia siburu.

Sangamberida siputotonem baga, sikere baga samba sisara paatuat le sia. Ta anai beri sara siaddeake bibilet sibabara ka tubunia bakkatnia sarania, tapoi sangamberi bibilet sangamberida le sibakkatnia.