Popular Bible Verses from Pugap. 2

Share

Kuanangan ka matada si Petrus, “Bauake kam paatuatmui, oba kam iturau kam senemui ka onin Jesus Kristus pasiappet jomui, silomuian leu panguruat Ketsat Sipunenan.

Mariuriu le sia ka bagat ngantomanda tai apostel samba ka parurukat, ka pukoman simakere samba ka panindogat.

Ia geti sun ka tubuda Ketsat Sipunenan, taddaakerangan manibo ka nganga bagei, siripot sikau Ketsat Sipunenan ka tubuda rapanibo.

Sinulut bara ka manua nganga sipugogong kele rusa simapiret sisutnake sangalio lalep kudduatda. Tulotsitnangan ka tubuda lila kele juluu api siragatnakenen tuleu ka senen tubuda. Ia geti sun ka tubuda Ketsat Sipunenan, taddaakerangan manibo ka nganga bagei, siripot sikau Ketsat Sipunenan ka tubuda rapanibo.

Senen gogoi le sia paruru sisara paatuat ka Uman Taikamanua. Pasailisaili ka senen lalep raei mukom; pukomrangan kerekere ka angkat baga samba ka linat paatuat, umunakerangan Taikamanua samba raoba sia sangamberi sirimanua. Samba senen gogoi le ituppaiake si Tuhan ka paamianda sirimanua sisese puaragat.

‘Babara te ka gogoi sialu – ngangan Taikamanua – kuuruake Ketsatku ka sangamberi tubu; pasipoiliatrangan tatogamui taimanteu samba tatogamui tainanalep. Samba tailaingemui raitco taiitcoket, samba taibajamui rapangamutnake pangamutet.

Sangamberida simatonem baga mariuriu le rapusara, sisara bibilet le sia sangamberida. Sabagei rasakiake bibiletda samba sibabara ka tubuda, parubeirangan bulagatnia sangamberida siripot simagulai ka sia.

Ia geti senen sipasisosogai onin Tuhan maaarau sia.’

Magepgepnangan matat sulu samba laggo bailiu kele logau kei bara gogoi Tuhan, gogoi sabeu samba simalatsat.