Popular Bible Verses from रोमि 12

Share

अवुर अपे नआँ दुनियाँ रेनकू घयते अलोपे बनोऊ; लेकिन अपे राः मन नवाँ यनाते अपे राः चाल बेहवार हो बदलो चलोऊ, ताकि अपे भगवान राः इक्छा जोकि सही गिआ, अवुर बढ़ियाँ गिआ, अवुर पक्‍का गिआ, हेना पे जेर सकोऊ।

हेनाते एगा भाईकू, इंञ भगवान राः दया एर सुरता केपे ते अपे थरेंञ अरजीः तना कि अपे राः देंह जीवत, अवुर पवितर, अवुर भगवान मनहेंवाः घयते, पूजा राः रूप तेपे रकाबे, नेन होयाना अपे राः आत्मिक सेवा।

असरा कोःते हँसी खुसी तेपे दोहोनू; अवुर संकट मेजुः रे थीर तेपे दोहोनू; हर घड़ी बिनती रेपे दोहोनू।

अपे बुराई रे अलोपे एर हरोऊ, लेकिन भलाई काम काम केते बुराई पे हरो।

अपे बरेमिसीकू घयतेपे परेम ओड़ेंगू; अपे एटाःकू इंञ वरी बढ़ियाँ गिअय मेनते पसींद केकू तेपे आदर इजेत कू।

अपे राः परेम कपट ते अलो दोहोनू, बुराई पे मेरंगवा; भलाई रेपे लगो कोऊ।

जेतना न हो सके, अपे सींड़कू सुदा मया मिलन तेपे दोहोनू।

एगा प्यारा भाईकू! बदला अलोपे मिड़ागे, भगवान पे इकावा। कहेकि धरमग्रंथ रे न घयते लिखल इदाना, “बदला मिड़ाः ईञाः काम हवे, परभु कहनियाँ बदला ईनिंञ मिड़ागेआ।”

मेहनाते महल रेपे दोहोनू, कोढ़ियाकू अलोपे बनोऊ; लेकिन हरग दिल ते परभु पे सेवायू।

भगवान राः किरपा ते इंञ तीमिन होडिंञ गिअंञ मेनाअंञ जेर केडा, हेनाते अपे सगोरकू एंञ कहनी वपे तना, कि कनय हो ओतना बडे कोवाय रेहो, अपन आप बडे गिअंञ मेनते अलोय पसींदे, लेकिन बढ़ियाँ तेय पसींदे, अवुर भगवान हेंय जेतना बिसवासिय ओवाडिया, हे-ना राः अनुसार तेय जे-रुऊ।

अपे बुराई राः बदला ते, बुराई अलोपे करोवे; सींड़कू राः नँजेर रे जे बढ़ियाँ गिआ, हे-ना काम राः कोसीस रेपे दोहोनू।

सगोरकू सुदा मया मिलन तेपे दोहोनू; अपन आप अलोपे उसूलुःऊ; लेकिन नरम होड़कू सुदा उठाब बेयठाबुः महल रेपे दोहोनू, अवुर इंञ सींड़िंञ पपाड़िआ मेनते अलोपे पसींदे।

हेनाते “अमाअय मुदेय रँगेज केडिय रेदो, हेंय जोमुः लगड मी ओवायू; ततँग केडिय रेदो, ञुँय लगड दाः मी ओवायू; कहेकि नआँ घयतेम करोवे रेदो, हेंय मी एचे लजियो विया।”

अपेकू सतोआ हेंकू आसीस पे ओवाकू आसीसू; सराप अलो। बहाली मनोकू सुदा बहाली पे मनो; अवुर ईयामकू सुदा पे ईयामू।

पवितर होड़कू लगड जे-ना जरूरत पड़ोः रे सहेता पे ओवाकू; अवुर एटाःकू मान मरजाद लगड तँवतँव रेपे दोहोनू।

कहेकि जेयसे अबू राः देंह रे अखीर अंग इदाना, अवुर सींड़ अंग राः मियाँ घयते काम कोवाआ। नेन घयते अबू बगरा गिआबू, हेंडे रेहो मसीह रे अबू मीनियेंटंगाँः देंह घयगिअबू, जेयसे मीनियेंटंगाँः देंह राः एनेट एटाः अंग मिल जुल ते दोहोना, हेन घयते अबू हो आपस रे मिल जुल तेबू दोहोनू।