Popular Bible Verses from मरकुस 9

Share

हेना वरी ईसु हेंय थरेय कहनी तेडा, “अगर अम कनाराम करो सकोः मेनाआँ ची टेबोः हवे? अम मेनेम पपाड़ीः तना कनय होकू बिसवासेआ हेंकू लगड सींड़ होया सकोआ।”

हेना वरी चोंडिज अपत तुरेत्तेय कहनी तेडा, “ओ परभु, इंञ बिसवास यडाञूँ, इंञ बिसवास रे बढ़ोः लगड सहेतावंञ मी।”

हेना वरी ईसु ओड़ाः रेय मेजेना, तहाँ मियाँहोड़ तेय दोहोएन तोलोग चेला कुतय होंबोर तेडिया, “अले मेय ची लगड मेने ले उडूंग सको गना?” हेना वरी हेंय कहनी तेडा, “नआँ घियाःकू भूतकू बेगर बिनती ते अवुर कनर उपाय ते एरो कू उडूंग एना।”

बूलुंग दो बढ़ियाँ गिआ, लेकिन मान ले बूलुंग राः सवाद हनीः रेदो, ची तेपे चहाटेआ? अपे जीवन रे बूलुंग भिनो केना घयतेपे दोहोनू, अवुर आपस रे मिल जुल तेपे दोहोनू।”

“कनय हो इंञ ञुमू ते नेकू घियाः चोंडिजकू मेंडे मियाँहोड़ मेनकू अपनोआँ, हेंय ईञिय अपनोआँ; अवुर कनय हो ईञिय अपनोआँ, हेंय इंञ मेने ईञिय कुलकेडा, हेंयिय अपनोआँ।”

कनय हो मसीह रेनकू चेलाकू हवे मेनते इंञ ञुमू ते मियाँ डुबहा दाईय पियो पे रेदो, इंञ अपे थरे सही मेतेंञ कहनी यडा, हेंय कनर घयते अनेज राः फल एरोय गँवों तेडा।”

“नेकू होड होडिंञकू मेंडे रे इंञ थरे कू बिसवासेआ, कनय एर पाप कुरे दो, हेंय होड़ लगड न बढ़ियाँ गिआ कि होटोः तुरे जनता चकी तोलकेते, समुन्धर रे अटड़ गोत्तेयू।

अगर मेड मी एर पाप मी रेदो, हेना उडूंग केतेम घिर गोत्ते। बाटंग मेड रह ते नरक रेम एर डलोः सेथा दो, कनवाँ कोःते भगवान राः राज रेम सेनुः हेना बढ़ियाँ गिआ।