Popular Bible Verses from मत्ती 6

Share

हेनाते अपे पहील ते भगवान राः राज, अवुर हेंय राः धरम राः खोज रेपे दोहोन रेदो, नआँ सींड़ चीज अपे लगड ञँमुआँ।

गपा लगड अलोपे फिकीरुऊ, कहेकि गपा लगड गनापाबू फिकीरुऊ; तेसींञ लगड तेनेसिंञाँः दुख बगरा गिआ।”

हेनाते इंञ अपे थरेंञ कहनी यडा, जियोः लगड ची ले जो-मा, अवुर ची ले ञूँआ; अवुर ची ले तुसिञाँ मेनते अपन देंह लगड अलोपे फिकीरुऊ, जीव, जोमुः चरोः वरी अवुर देंह कपड़ा लता वरी हो किमती गिआ।

लेकिन अम बिनतीः रे कोठरी तम रेम सेनुऊ, अवुर दुवर सींञ केते कनय मेनेकू ञेंल सकोआ, हेंय अपुम थरेम बिनतिऊ। हेंडे सीड़िंय ञें-लेअय अपुम, फालिय ओवा मिआँ।

“अपे नआँ घयतेपे बिनतिऊ, ‘ओ सरग रेनिय अपाले; अम ञुमू पवितर गिआ। अमाः राज मेजुऊ। जेयसे अमाः इक्छा सरग रे पूरा होयाः तना, हेन घयते न धरती रेहो होयाऊ।

अले दिन भराआ अन्‍न तेसिंञ मी ओवा ले।

अवुर जेयसे अले राःकू कसूर केडा हेंकू ले माफ केडा, हेन घयते अले कसूर केडा हेना होम माफ गोत्ते।

अवुर अले परिक्छा रे अलोम एनेम पड़ो वले, लेकिन बुराई वरिम बंचो ले; कहेकि राज अवुर बडेआ सक्‍ति अवुर महिमा हमेसा अनामाआँ होयाऊ।’ आमेन।

अगर अपे राःकू कसूरेः हेंकू पे माफ रेदो, सरग रेनिय भगवान अपा अपे होय माफ वपेआ।

अगस तेनकू तितीज कुपे तियागू! हेंकू मेने कू मे-रेआ, अवुर न कू ईरेआ, न हेंकू कोठी रेकू जवारेआ। हेंडे रेहो अपे रेनिय सरग रेया अपा, हेंकुय खियो कुआ। अपे हेंकू वरी हो अखीर किमती कोवा पेआ किदो?

“न धरती रे अपन लगड धन अलोपे जवारे, नआँ रे तीजकू जो-मेआँ, अवुर मुरछो जो-मा, अवुर चोचोराकू बुचाः केतेकू चोराया। लेकिन अपे अपन लगड सरग रे धन पे जवारू, हेना रे तीजकू एरो कू जोम तेडा, अवुर एरो मुरछो एना, अवुर चोचोराकू बुचाः केते एरो कू चोरा तेडा। कहेकि जहाँ रे अपे राः धन दोहोना, हें-डे अपे राः मन हो दोहोना।”

कनय हो बा होड़ गिरहत कींञ राः मियाँ मियाँ ते एरोय सेवा सको एना। कहेकि हेंय मियाँहोड़ सुदा मया मिलन तेय दोहोना, अवुर मियाँहोड़ सुदा पटरी तकींञ एरो ढुरो एना, चहे मियाँहोड़ सुदा घुल मिल तेय दोहोना, अवुर मियाँहोड़ एरोय बेस वडिया। अपे भगवान अवुर धन मियाँ मियाँ ते एरो पे सेवा सको एना।

अगर तेसींञ इदान हेना डाँड राः बीर घलि, अवुर एटाः चेका सेंगेल राः भट्ठा रेकू अटाड़ेआ, हेना घलि भगवान बढ़ियाँ तेय सींगारेआ, दो ए कमजोर बिसवासिकू, अपे नआँ वरी हो बगरा ते ची लगड एरोय ओवड पेआ?

लेकिन अम कनय दान मी ओवा रे, जोम गतर हन तीम ची बनो यडा, हेना कोंञ गतर हँडाः तीम अलो पपाड़िऊ। ताकि अम एमकेड हेना दान कनय अलो पपाड़ी। हेंडे सीड़िंय ञें-लेअय, सरग रेनिय अपुम, फालिय ओवा मिआँ।”

“सँवचेती तेपे दोहोनू! अपे होड़कू देखोवा लगड अपे राः धरम काम अलोपे करोवे। नहींता अपे सरग रेनिय अपापे वरी कनर फल एरो पे ञँमतेडा।

“अपे उपासुः रेदो, कपटी कू घयते मन उदास ते अलोपे दोहोनू, कहेकि हेंकू उपास केनाय मेनते कू अड़ींग वकू लगड, अँख मुरथन तकुकू लोरमो गोत्तेआ। इंञ अपे सही मेतेंञ कहनी वपे तना, हेंकू अकू राः फल कू ञँमकेडा। लेकिन अम उपासुः रेदो, उब्मी रे सुनूम मी ओजाऊ, अवुर अहाम मी कुरकुरो, ताकि होड़कू मेने, लेकिन मेन ञेंलुअय सरग रेनिय अपुम भर उपास केनाम हेनाय पपाड़ी। अवुर अपुम सीड़िंय ञें-लेआ, हेंय अम फालिय ओवा मिआँ।”