Popular Bible Verses from एहुन्‍ना 10

Share

चोर एटाः काम लगड मेने, हेंय भेंड़िकू चोरा अवुर ञेंड गोजकू लगड अवुर नास कू लगाडिय मेजुआ। लेकिन इंञ जीवन एम लगाडिंञ मेजकेना, अवुर इंञ ए-मेआ, हेना जीवन भरपूर अवुर बढ़ियाँ गिआ।

बढ़ियाँअय चरवाह इंञ हवे! बढ़ियाँअय चरवाह अनेज रेनकू भेंड़िकू बंचो लगड अनेज राः जीवितिय ए-मा।

ईंञाःकू भेंड़िकू ईञाः आवाज कू अँजोमेआँ; अवुर इंञ हेंकुंञ पपाड़िआ, अवुर हेंकू इंञ तयोम तयोम तेकू से-नेआँ

अवुर इंञ हेंकू अनन्त जीवानिंञ ओवा कुआ। हेंकू कबोह एरो कू नास एना, अवुर हेंकू इंञ ती वरी कनय एरो लुसी सको एना।

दुवर इंञ हवे, अगर कनय ईञाः दोवारा ते भीतारिय बोल रेदो, हेंय उबारुअयू, अवुर हेंय भीतर बहेरिय बोल उडूंगुआ, अवुर हेंय चरा पानिय ञाँमेआँ।

बढ़ियाँअय चरवाह इंञ हवे। इंञ ईंञाःकू भेंड़िकुंञ पपाड़िआ अवुर ईंञाःकू भेंड़िकू इंञ कू पपाड़िआ।

अपुंञ जे जे ईञिय ओवाडा, हेंय सींड़कू वरी बडे गिआयू, अवुर अपुंञ ती वरी हेंकू कनय एरो कू लुसी सको एना। अपुंञ अवुर इंञ मिनियेंटगाँः कींञ हवे।”

जेयसे अपुंञ ईंञिय पपाड़िआ, अवुर इंञ अपुञिंञ पपाड़िआ, अवुर इंञ भेंड़िकू लगड ईञाः जीविंञ ए-मा।

कनय हो ईञाः जीव इंञ वरी एरो कू लुसी सको एना, बल्कि इंञ अपन मन तेंञ ए-मेआ। इंञ जीविंञ ए-मे लगड हो हँक इदाना, अवुर फेर जियो रिमुः राः हो हँक इदाना; नआँ हँक अपुंञ ओवाडिञाँ।”

हेना वरी ईसु हेंकू थरे फे-रिय कहनी तेडा, “इंञ अपे थरे सही मेतेंञ कहनी यडा, भेंड़िकू राः दुवर इंञ हवे।

बनियाँर जोकि चरवाह अवुर भेंड़िकू रेनिय मुँवर न लगे, बिगवाकू मेजुआ ञेंलते भेंड़िकू बगी वतेय ञींर जोमा। अवुर बिगवाकू हेंकुकू साबा अवुर कू बिदबिदो गोत्ते कुआ।

तहाँ ईसु फे-रिय कहनी तेडा, “इंञ सही सही ते अपे थरेंञ कहनी यडा, अगर कनय हो भेंड़िकू राः गोड़बाड़िय सेनुः रे दुवर ते मेने बो-लय, लेकिन कनर एटाः गतर ते डेवगा बो-लय, हेंय चोर अवुर लुटेर हवे।