Popular Bible Verses from LUKA 10

Share

Hingunanwehe chiyulo cha kuliata ha tupela ni tuvwanda, ni helu lia tachi jeswe ja mukwa kole, mba nichimwe kuchichi kanulemeka nichimwe.

Alioze Yesu wamukumbulwile ngwenyi, Marta, Marta, kuwakulipikala nikulipinjisa ha yuma yinji. Alioze chuma chimuwika chinahono, Maria hanatongola chihanda chipema, chize kechi kachichiza kuli iye.

Iye wakumbulwile ngwenyi, Ngwo, Ukazange Mwene Zambi ye ni mbunge ye yeswe, ni mwono we weswe, ni ngolo je jeswe, ni kunyonga che cheswe, ukazange mwenyembo we ngwe wakulizanga yena mwene.

Iye wambile kuli ayo ngwenyi, Kucha chamwenemwene chinene, alioze akwa milimo akehe; liumbenu kashika kuli mwenya kucha, atume akwa milimo aye mu kucha chenyi.

Iya kashika wa kuli wano atatu, unamushinginyeka kupwa mwenyembo kuli yoze waliwanyine ni mihuza? Iye wambile ngwenyi, Yoze wamulwezele keke. Yesu wambile kuli iye ngwenyi, Yako, ukalinge chizechene.

Yénu kwenu; ngunanutumu ngwe ana-mapanga hakachi ka tungunga.