Popular Bible Verses from Luka 11

Share

Ying ana epa e buru, e rose nangka e nyaza ayana ying epa e rere, shebari Ate ying o zaa shili wayo nya obere wai andaaka ne boseze wai.”

“Azaa nyimi eyang beya aying, bosaza na Ashili a yo nya ying, gerza na ara ai eyo cǝ, gwarazana buudu a ai a yo pari ying.

Pate ondooka wa bosa, a yo nya wai, pate ondooka wa gera wayo cǝ, kanza pate ondooka wa gwara abuudu a yo pari wai.

Naka bekaa ne na, “Eeya beya angmǝ ka Ashili, e bekaana: “ ‘Ate, a monte leze lo a sangsang, a togomo to de a komana ka kuruwǝ.

Pisǝ madinǝ maro, o baale ro nangka teyo pisǝ andaaka ne eze ro epa e buru, nangka bo o ezeze. Tana o baya a te lyǝ a nyimi o kedeya ne.’ ”

Nyaro epaolya o ngmeengme ka o koonang lengme.

Liizi le oromo leya na masanto ma lepung le wai. A yizi au aya ka edang, lepung lo a pate yo ya ka masanto. A yizi me a ta rera ne, lepung lo a pate yo ya ka maring

“Ondo wa era wata diki biru be masanto a wa eke ara aka wayo baasa beene, koona wa pate be ka oso ne. Wayo eke ara a zaati, adorana andaaka neya lyǝzǝ akwilǝ me ane laka masanto.