Popular Bible Verses from Luk 12

Share

Anu mɨnɛ minkɔ kotubɛrɛ bɔkpaju, ndi minkigbɨra kegbu nci Wɔ Oni okowu.”

Nsu bɛ nu kpa rɔsɔ duga rɔrɛ-rɛkɨm Ɛbrɔkpabi, mɨnɛ birɛ mbinka fɛb kuɛjɛ nu.

Mɨnɛ ɔkanɛ bɛ ya, “Babɛrɛ mɨnɛ jɨba nu bɔkpaju bonua na kɛlɨŋa ewud nanjinɛ; ndi rokpin rɔyɛ rokitumɛ na birɛ mbi afɔnɔ, tum afɔnɔ bi nyan.”

Kegbu nancinɛ etima ɛyɛ etumɛ na kwa ogbuga ɔyɛ ɔra.

Yɛnɛ mɔ ɔkɔyɛ ojuŋanɛnɛ okwɛ reyi na rokpin rɔmɔ?

Jisɔs ɔkanɛ yɛ banyɛgɛ mɔ ya, “Nkanɛ nu mɔ minka juŋanɛ bɔkpaju mimbaŋa rokpin ronua! Mimbaŋa bedidi mbi minkodi minkpina mɨnɛ mimbaŋa bɔfɔ ɛkpaju.

Tum riria ndi rira nu na retu babagɛ. Kafɔnɔ nu yɛ bofu; minfa rofua gbɔg minci batafararifad ecii!

Kafɔnɔ nu bofu, bɔ bɔrɔri bomia, fɛŋɛ mintɛ onua oduga kɔjɛ nu rɔrɛ-rɛkɨm.

Rɔ mankpayaŋ: bakpaŋɛkpaŋɛ din bafɨlɛfɨlɛ? Bakifɔnɔ bɔmaŋɔŋ mbu batubɛrɛ radidi na bobuŋ; Ɛbrɔkpabi ji ɛyɛŋɛ bɛ! Anu mincia minninɔn begbu ɛram!

Kajuŋanɛ nu bɔkpaju mimbaŋa mbu minkodi mɨnɛ miŋɔ. Kajuŋanɛ nu bɔkpaju bonua mimbaŋa birɛ mbi.

Ɛbrɔkpabi ji eyuɛ rawa kɛtɨma, rawa ndɛ afɛŋɛ ɛrɛn refu raninaŋ, bakɨm dɛ na roku. Aji ɛyɛŋɛ jugi kosi begbu ɛram ɛjɛ wu-ɛ? Minfɔnɔ egbigbɨra renyiɛ-etima!

Gbanambunɛ mbu bayiyi kubayirɛ, mɨnɛ nambunɛ mbu bɔra ŋɨbaŋɨba kubɔjaga na rɛjaɛ.