Popular Bible Verses from মার্ক 12

Share

যীশু আগানচাকজক, ‘‘দাল·বাৎগিবা গি·য়েতা ইয়ান, ‘ইস্রায়েলনি মান্দিরাং খিন্নাবো, আনচিংনি গিত্তেল ইসল সাকসাসান। না·আ নাং·নি গিম্মিক খা·থংচা, নাং·নি গিম্মিক জাংগিচা, নাং·নি গিম্মিক গিসিকচা আরো নাং·নি গিম্মিক বিলচা নাং·নি ইসলনা খা·সাবো।’ উনি জা·মাননি গি·য়েতা ইয়ান, ‘নাং·নি সংসুল-নকসুলখো আন·থাংনি গিত্তান খা·সাবো।’ ইয়া গি·গ্মি গি·য়েতারাংনি আগ্রে দাল·বাৎগিবা গি·য়েতা মামুংবা দংজা।’’

উনো যীশু বিনি জা·রিকগিবারাংখো রিংগামে আগানজক, ‘‘আংআ না·সংনা বিবিন আগানিংআ, ইয়া দিলগিবা রান্দি থাংখা দনচাকানিও দিমদাকনা বাত্তে বাং·বাত্তে দনজক। উয়া মান্দিরাং বিসংনি বাং·আ গামজিনরাংনি অকখিসা হন·জক, ইন্দিবা ইয়া মিচিকসা দিল্লোবা বিনি জাংগি থাংনা গিত্তা দংগিবা গিম্মিকখোন হন·জক।’’

উনি জা·মানো যীশু থরম নক্কো থাংখা দনচাক্রানি সেফাংও আসংএ মান্দিরাংনি পয়সা দন্নাখো নিএ দংআমিং। বাং·বিয়া মা·ন্নে চা·গিবারাং উনো বাং·এন থাংখা দনজক। জা·মানো সাকসা দিলগিবা রান্দি মিচিক রি·বাএ উনো গি·গ্মি পয়সাখোসান দনজক।

আরো খা·থং গিম্মিক, বুদ্ধি গিম্মিক আরো বিল গিম্মিকচা বিখো খা·সাচাক্কা আরো সংসুল-নকসুলখো আন·থাংনি গিত্তা খা·সাচাক্কা মাৎবুরুংরাং আরো গিপ্পিন বলি হ·ন্নারাংনা বাত্তে দাল·বাত্তা।’’

যীশু বিসংনা আগানজক, ‘‘বাগিবা রাজানি উখো রাজানা হন·বো, আরো বাগিবা ইসলনি উখো ইসলনা হন·বো।’’ যীশুনি ইয়া খাৎথানা বিসং আইয়াও ইনমানজক।