Popular Bible Verses from Ukumuga 9

Share

Tumba gukivu monyu te na namunyi yiri gulaba mangolu mami na diina diami diusamunu o malongu motsu.

Fumu amaruma Moise rie: Wenda ombu Pharaon nomuruma rie: Fumu Nsambi baHebreu jandi rie: Dunda batu bami yiri bonsalila.

Mbe nyimalasa mangolu mami uduboka, jenu na batu bagu na yivunga, mbe dumatsiemuga kala.

Fumu onamusu biruitsi bienu yivunga: bakabala na baburu na basamo na bangombi na bindombu na binsabi; bipuela biuguda. Fumu ovaga duviakusunu va gari migamba mibaIsrael na mibisi Egypte; ne yimosi yibiruitsi bibaIsrael yigofu.

mugesa va diweru diedidi nyunoyisa mfula jineni jimamanyi, mfula ajisakanoga na kala o bulongu buEgypte ubandila ava dusundulu dubuonyi te na namunyi. Kabogu kotisanu migamba na biotsu abivu nenu o gusu kana o bivanga, mfula jimamanyi jiunogulu batu botsu na bibulu biotsu abavu o gusu kana; abagokotusu o mandagu bofu.

Mokaluga difufundu adiubasa bulongu buotsu buEgypte; yiotsu ayi diunama batu vo bibulu diubarombisa ubela bibambila abiukaluga masieyi. Banobola mabufu mbana bamayelabana na Pharaon; Moise amamatinda o julu; manonama batu na bibulu, nyuru tsiogu tsimaba yika bibambila na bibambila abimakaluga masieyi na masieyi.