Popular Bible Verses from Ukumuga 12

Share

Vana mukolu eni nyuvioga o Egypte na nyuboka tsomi tsiotsu tsibisi Egypte, ubanda na tsomi tsibatu te na tsibiruitsi na nyutabulila bansambi botsu babisi Egypte bunsonsi. Menu la Fumu. Maiungu meni moba yilimba o mandagu ama jenu duba; ava nyulabila malungu nyuvioga kuasa, yivunga yigodubunga ava nyukilisila bisi bulongu buEgypte.

Durangiminanga yilumbu yieni na duyikelisanga feta jiukitsila menu Fumu; duyikelisanga jenu na bategula benu te na mutubu.

Ava baana benu boduwivulila rie: Ayina divindugulu yi? Dukabawagula rie: Ayina yivu pagu ajimavagululu Fumu va temu Paque. Ava baIsrael bamabila o Egypte, Fumu amaboka bisi Egypte tumba amavioga kuasa va gusu mandagu metu, diwendi rie: amawaka mikuta mietu kalala. Kabogu baIsrael bamagudama uyenayitsa Fumu.