Popular Bible Verses from Migaga Mimatubula 30

Share

Dingensa te na julu na butamba biuvioga jabanu yiri namunyi nyimadusambula monyu na dufu na miula na milogu. Solanu monyu yiri dugofu, jenu na bategula benu. Durondanga Fumu Nsambi enu nodedilanga diufi diandi nofubana mirima nandi: adina diudurombisa monyu na dutsinga va butamba na dutsananga o bulongu abu Fumu amavangana uvega bataji benu: Abraham na Isaac na Jacob.

Nyiduveyi migaga namunyi: Rondanganu Fumu Nsambi enu nodukanganu amandi na kelisanganu maruma mandi na migaga miandi na malongi mandi mbana dugofu na dufunanga na Fumu Nsambi enu odugabila miula o bulongu abu duwenda abuba abuenu.

BaIsrael labanu, namunyi nyimasunsa monyu na maboti va gusu enu na dufu na mabi wandi.

Adi nyiduveyi divu bebeli nenu, diwendi rie: Mu miunu mienu na mu mirima mienu yiri durungula udikipanga.

Fumu Nsambi enu oliomisa mirima mienu na mibategula benu mbana durondanga Fumu Nsambi enu na mirima mienu miotsu na matasa menu motsu yiri dugofu.

Fumu Nsambi enu odufunisila maboti mu bisalu bienu biotsu nodubuesanga baana nesi migamba nesi digumba: Fumu omuelaba ubueji udufunisa nana amafunisila bataji benu

Tumba pa mirima mienu miubiva na pa dugaa na dululu na pa dukevega o uyitsa bansambi bangana nobasalila nyidutubulili namunyi yiri dubungana, dugotamba nofu o bulongu abu duwenda abuba abuenu o disimu dina diJourdain.

Diruma diedidi adi nyiduveyi namunyi digeduviolili mangolu na digaa diranga.

Digaa o julu mu mbari dukewivula rie: Anyi otumatila o julu uyetubongila dionyi? Anyi otugulusu dionyi yiri tudikipanga?

Digaa o disimu dina dimubu yiri duwivula rie: Anyi otusabuyila o disimu dina dimubu uyetubongila dionyi? Anyi otugulusu dionyi yiri tudikipanga?