Popular Bible Verses from Migaga Mimatubula 28

Share

Pa duidedili diufi diFumu Nsambi enu ava duikelisili nokipanga migaga miotsu ami nyiduveyi namunyi, Fumu Nsambi enu oduvaga batu baneni va gari bisi malongu motsu.

Guluanu miula miotsu ami dudila ava dudedilanga diufi diFumu Nsambi enu

Fumu oduvayila yinama yigusu tsiri yinsima; dubanganga aberumi tsiri aberumu, ava dudedilanga maruma maFumu Nsambi enu ama nyiduveyi namunyi na ava dumakelisilanga nomakipanga

Fumu odudibulila bungunu buandi buboti abuvu o julu nonoyisila bulongu buenu mfula va temu tsiwelimina nofunisa bisalu bienu biotsu. Gusombisa bisi malongu mapuela tumba jenu dugosomba.

Fumu oduvega ndunga ava dutoyila na bavinitsi benu; jogu bopala nsila jimosi uyidutoyisa tumba bopansiga mu yisambuali yimansila udurina.

Fumu odufunisila bisuegulu bienu na obuejisa bisalu bienu: odugabila miula o bulongu abu Fumu Nsambi enu oduvega.

Dugabulu miula ava duitolili na dugabulu miula ava duisoyimini.

Dugabulu miula o misiengi na dugabulu miula o musiru.

Nesi baana benu nesi bivaru bienu nesi bangombi nesi bindombu nesi binsabi; bima bienu biotsu biugabulu miula.

Va gusu Fumu duba tindi aba Nsambi nana amavanginina nenu, ava dukelisilanga maruma maFumu Nsambi enu nodedilanga duganu duandi.

Ponsi tsienu na bidu bienu na miusu mienu biugabulu miula.

Fumu oduviosulila biotsu ava ofunisila nesi baana nesi migamba nesi biguji o bulongu abu Fumu amavangana na baiaji benu uduvega.

Batu botsu bolaba yiri dumakevega usalila Fumu Nsambi enu mbana boduduma.

na duyasumuna nesi dimosi nesi disusu dimaruma motsu ama nyiduveyi namunyi ukota o muyitsa ubansambi bangana nobayitsanga.

Tumba pa dugodedila diufi diFumu Nsambi enu na pa dugokelisa nokipanga maruma mandi motsu na migaga miandi miotsu abi nyiduveyi namunyi kabogu milogu miotsu ami dulogu amimi