Popular Bible Verses from Loma 11

Share

Nawhani o kasadakan ato pakayraan ato pinokayan no kalomaamaan ko Kawas. Nanay mapahmek ko Kawas a tahira i da'oc. Amin.

Wata: ko nika talolong no mikomi ato taneng ato fana' no Kawas! Cima ko mafana'ay a mitadtad to pikton Ningra? Cima ko mafana'ay a misapsap to lalan Ningra?

Mato sowal a matilid i Fangcalay Cudad, <<Cima ko mafana'ay to faloco' no Tapang saw? Cima ko mama^deng a patadoay to faloco' Ningra saw?

Matiya ora dmak ko dmak i matini. Ira ko ni'osawan no Kawas a nipili'an Ningra a tamdaw to nano mikomi Ningra. O nano mikomi no Kawas ko sakapipili' Ningra cangraan. Caay ko dmak no tamdaw ko pi'arawan Ningra. Ano o dmak no tamdaw ko pi'arawan Ningra i, caay to ko so'linay a mikomi ko mikomi no Kawas.

Maktonto ko pinapina a ca'ang no olif a kilang, ta mapatongod itira toya kilang ko ca'ang no lifal a kilang. Malcad tonini a ca'ang no lifal kamo o roma a finacadan. Mikihatiyato kamo to Yutaya a tamdaw a makadofah ko 'orip namo. Orasaka, aka pi^pec kiso toya matiyaay o maktonay a ca'ang. O ca'ang kiso. Saka, maanen iso ko nika lata'ang saw? Caay ka kiso ko sakalomahad no lamit. O lamit ko sakalomahad iso.