Popular Bible Verses from 'Olic 63

Share

Kawasaw, o Kawas ako Kiso, sa'icel sa kako a milongoc i Tisowanan, matiya o makdalay a awaay ko nanom a omah kako, tadama'ilol kako i Tisowanan.

Nawhani ikaka no 'orip ko nika tadamaan no mida'ocay a olah Iso, saka, o papahmek kako i Tisowanan.

O kakansiyaen ako Kiso tangasa i tolas no 'orip ako, pasayra kako i Tisowanan a pakamay a mitolon.

Na mapanengnengayto Iso kako to Fangcalay a Kaitiraan Iso, manengnengayto ako ko tadamaanay a 'icel ato 'dil Iso.

Nawhani mararid Kiso a mipadama i takowanan, i laloma' no sapikpik Iso kako a lipahak a romadiw. Ketket sa ko faloco' ako a mitoor i Tisowanan, midama ko kawanan a kamay Iso i takowanan.

Yo mati'nang kako i kafoti'an i, maharateng ako Kiso, salafii sa kako a miharateng i Tisowanan.