Popular Bible Verses from 'Olic 34

Share

Patihien no TAPANG ko mararomay matoleday a tamdaw, pa'oripen Ningra ko maksemay ko faloco' a tamdaw.

Milongoc kako to TAPANG i, paca'of Cingra, paliyasen Ningra kako nai masamaamaanay a katalawan ako.

O mo^celay a tamdaw i, adihay ko malitmohay ningra a pades, nikawrira, pa'oripen no TAPANG cangra a paliyas nai tini tonini a pades a ma^min.

Lifeten a mihapinang ko nika nga'ay no TAPANG, o miti'eray i Cingraan i, tada o malmeday.

Ano misafaloco' to TAPANG ko mapa^kelay a tamdaw i, malipahak cingra, caayto ko mamasefad ko faloco' nangra a tahada'oc.

Ano mitahidang a mingitangit to TAPANG ko mo^celay a tamdaw i, tngilen Ningra, pa'oripen Ningra a paliyas nai masamaamaanay a pades cangra.

Dipoten no coyoh no TAPANG ko mangodoay to TAPANG, pa'oripen Ningra cangra a paliyas nai katalawan.

Falahen ko tatiihay, ka o nga'ayay ko dmak, ka o sakararihaday ko safaloco'en a misa'icel.

Ano hatira i, aka pasowal ko sma namo to tatiihay a sowal, aka pisamangah ko filfil namo a somowal.

Midipot ko TAPANG to mo^celay a tamdaw, mitngil Cingra to pingitangit nangra a mitolon.

Pikapot i takowanan a pahmek to nika tadamaan no TAPANG, hmeken ita a palosiyang ko ngangan Ningra.