Popular Bible Verses from 'Olic 31

Share

O polong no hinatalaay to TAPANG, saki^melen, kacicdi kamo.

Mararid a madipot Iso kako, nanay paliyasen kako nai 'ada ato mikari'angay i takowanan.

Wata: ko nika adihay no nina'angan Iso a makapahay a maamaan to saki mangodoay i Tisowanan. Dipoten Iso ko miti'eray i Tisowanan, tadamakapah a nengnengen no tamdamdaw ko nidmakan Iso.

Nikawrira, TAPANGAW, miti'er kako i Tisowanan, o Kawas ako Kiso.

O pilimekan a 'ongcoy ako Kiso, o pisitaraan ako Kiso, nanay do^doen Iso ko niktonan Iso a sowal a mikrid i takowanan.

Patoroden ako i Tisowanan ko 'adingo ako, TAPANGAW, o so'linay a Kawas Kiso, o mamipa'oripay Kiso i takowanan.

Kamo o so'linay a finawlan no TAPANG, kaolahen Cingra. Dipoten no TAPANG ko so'linay ko faloco' a tamdaw, nikawrira, caay ka samadah ko pitfoc Ningra to misatakaraway a tamdaw.

TAPANGAW, milongoc kako to pipa'ading Iso i takowanan, nanay caay pakatoleden Iso kako a pakangodo. O mo^celay a Kawas Kiso saka, nanay pa'oripenho Iso kako!