Popular Bible Verses from Taneng 20

Share

Aka pito^to kiso a mico'ay to 'ada iso, ti'eren a mitala ko TAPANG, caay ka ^ca ka patado Cingra i tisowanan a mico'ay.

O nisa'osian no TAPANG ko rakat no 'orip ita o tamdaw, saka, cima ko mafana'ay ita to rakat no 'orip ita saw?

Mapafli no TAPANG kita to sakalatamdaw ato nga'ay a faloco', awaay ko cima ita to pakapisimeday to nidmakan no niyah.

O harateng no tamdaw, matiya o talolongay a cinanomay a tfon, nikawrira, pakapipatalahkal to harateng noya tamdaw ko citanengay a tamdaw.

O mirarakatay a milikaf to tao i, o mamalsa' ko nisimedan ningra a dmak, aka pisawidang to karangoyosay a tamdaw.

Palowad to sakacacoli ko maapaay a tamdaw, nikawrira, o caay pipalowad to sakacacoli i, o sakatadamaan noya tamdaw.

Mo^cel ko dmak no so'linay a tamdaw, malmed ko tlotloc ningra.