Popular Bible Verses from Hogusra 11

Share

Egi Jehowa wena: Horuxujre wankshignagre hishankira hiregaja egi harnaj hit’era hishankira hiregaja. Egi de‐e un hajiarairare egi inke washanisha rushag hiranikjanegaja washanisha uinekje hirairegi. Hinawianaga harnukanag‐wianaga egi hit’e warninera hikirupana hirekjena, hit’et’era inke nankixgu hiranikjege.

Egi wairena: Hinawianaga jhinagra hisha hinkik’unkjawina egi jhi‐hankshira, e hissawara maxiwangeja hirakerekjena, egi rash hinkik’unkjawina, inke managre harnaj wangoe‐ranikjawina.

Esge rashra Babel higairena, Jehowa eja hit’era hikirupana wahige maneginagra harnaj. Egi Jehowa eja managre harnaj hoerare‐wahina.

Egi managre harnaj hit’era hishankirana egi hoit’era hishankirana.

Egi Jehowa jhinagra hajajina egi jhi‐hankshira, e wankshig ninkjangra uinera.

Egi Jehowa eja managre harnaj hoerare‐wahina egi jhinag una rushjainena.