Popular Bible Verses from Yohana 15

Share

“Nzuk a̱mi n yet ma̱ndyim a̱nap na, nyin a̱mi yet mbvak a. A̱yin nu a̱ shyi ba̱ nzuk n ma̱n shyi ba̱ nu ni a̱ ni sum ba̱gingang. Ki n shyi ba̱ nyin ba, yin maai yya kyang ba.

Yi swrang ba̱ nzuk, nzuk meyang n ma̱ ni shyi ba̱ nyin. Da̱ni di yin bvwo bvak ma̱ndyim a̱nap na ni maai disum ba, se ku swrang a̱zi ma̱ndyim a, a̱mi nyin meyang yi ni maai disum ba, se yi shyi ba̱ nzuk.

Ki yi shyi ba̱ nzuk, ba̱ryat nzuk ba a̱ shyi ka̱yat mpfwa nyin, kozan kyang yi naai i cat yi ni shya.

Nyin a̱mi n tssa ba, nzuk n ya tssa n ya tyyi yi nat wrak disum ti ba̱gingang, disum ti ti ni tyak ni ba, si wwon, kozan kyang yi naai da̱ A̱tyyi nzuk u i diyrek nzuk ti a̱ ni ya ryi.

A̱gba̱dang cat u a̱yin na̱ ni maai a̱ byyi i hywak ba̱rywai nu ni nu a̱ yet na̱ wrak sso nu ji i hywak mba.

Bvak a i shyi a nzuk i rak disum ti ni a̱ na kpo tyyak. Bvak a ma̱ sum ni a̱ na kpo jyi ku gi sum ansham.

Truwang nzuk jinji ni: yi cat ba̱yaan ka̱sak ka n ni ya cat i.

A̱duniya disum nyin nu a̱ ni tyyei shii A̱tyyi nzuk a, a̱ bo tyyei yi yet na̱won pfong nzuk.

“Nzuk n yet ma̱ndyim a̱nap ka̱ryong a; A̱tyyi nzuk u a̱mi a̱ yet a̱keyak u.

A̱yin nu a̱ shyi ba̱ nzuk ni ba, ba ni ku tyyak a̱ jing di bvak ma̱ndyim a na̱ kwot ni, na̱ kwot. Ntaka̱i mbvak ma̱ndyim iya a̱mi ba na tung a̱ tyyi an dong a na hwwi.

“N ya tyyei ba̱ryat bani yi gi shya hok ansham nzuk a a nyin, ndya nyin na i gi hok ansham ba̱gingang.

Ki yi tssup truwang nzuk ji yi ni wwon cat nzuk a ba, da̱ni di n nin tssup truwang A̱tyyi nzuk ji ni a ma̱n swat ka̱yat cat nu ka.

Kyang a n ya tyyei ni nkpa yet yi cat ba̱yaan.”

Yi da yet ba̱nying ka̱sa ba, se ba ya gwai di ba̱nyet mba ni; ma ka̱sak ka n ni ya tssa n tun ka̱yat ka̱sa ka ni, nkpa n byyi ka̱sa ka kan ya rak.