Popular Bible Verses from Lukas 8

Share

Nozondwi nḓa nḓa wira mehi ewa maze kuramenepo ovandu mba mbe zuva indi embo nave ṱiza ro momitima omiwa nominanḓuviro, nowo ve ṱakama mu ro, nave kara novihape.

Ozondwi nḓa nḓa wira mokati kozohongwe ozo maze kuramenepo ovandu mba mbe zuva indi embo; nungwari omerikendero noutumbe nomananukiro woviṋa vyouye mbwi vi ya mu wo navi ṋee indi embo, nu ari ha twamo ovihape mu wo.

Ozondwi nḓa nḓa wira mehi romawe ozo maze kuramenepo ovandu mba mbe zuva indi embo nave yakura ro nenyando. Nungwari embo ndi kari hara omize mu wo; owo ve kara nongamburiro okaruveze okasupi uriri, nu omarorero tji ye ya ave poka kembo ndi.

Tjazumba Jesus otja tja nai kovahongewa ve: “Ongamburiro yeṋu i pi?” Nungwari owo va tira nave himwa, notji va purasana ave tja: “Hapo omundu ngwi owaṋi? Eye u rakiza ovivepo nozongazona, novyo avi mu zuu!”

Ozondwi inḓa nḓa wira meṋe yondjira ozo maze kuramenepo ovandu mba mbe zuva indi embo, nungwari Satan eya, nu a hakana embo ndi momitima vyawo, kokutja ave ha kambura nu ave ha yamwa.

“Otjiṋa atjihe tji tja horekwa maatji horoka, nu ngamwa atjihe tji tja vandekwa maatji vandururwa, nu atji ya komurungu waavehe.

Omukazendu tja muna kutja tji tja tjitwa ku ye matji horoka, otja pita eya ama zezera, ne riumbu pehi pozombaze za Jesus. Eye wa serekarera komurungu wotjimbumba atjihe kutja omena ratjike tja ṱunu ku ye na wina imbwi omuhingo eye mbwa verukisiwa tjimanga. Jesus wa tja komukazendu: “Muatje wandje, ongamburiro yoye ye ku vatere! Twende mohange.”

Ovahongewa va ya ku Jesus na ve mu pendura amave tja: “Muhona, Muhona! Eṱe matu ṱu!” Jesus wa penduka na rakiza otjivepo nozongazona; ovyo vya porimana, aku mwina aku tja nyee.