Popular Bible Verses from Mark 2

Share

Neħ, dih, noˑnă̱h' ne Jeˑsus shaˑa'o̱k' nă̱ˑgă̱, haˑgo̱'yă̱ˑa̱h'seeh, Neħ net'gaˑye'iħ, iˑgă̱', hă̱'no̱ˑheħ', tă̱ħ'ă̱h, naeh, daħ'de'yòˑdo̱'ă̱nˑjo'o̱h haˑdi'yaħˑdaˑdeħ' na'deˑjă̱ħs; neħ gwa', naeh, de'yòˑdo̱'ă̱nˑjo'o̱h haˑdi'yaħˑdaˑdeħ' no'diˑno̱o̱k'daˑnih. Tă̱ħ'ă̱h neeħ' deħˑa'gyo̱ħˑdah'go̱h no̱'saˑkhe'no̱k noˑdi'waˑye'isˑdo̱h; neħ, gwa', neh do̱ˑsa'ă̱ˑnă̱ħ'ni''go̱ˑă̱nˑdeˑniħ' noˑdiˑwa'neħˑaˑgo̱h.

Neħ noˑnă̱h' ne Jeˑsus shaat'gatˑhòħ heˑnitˑho'nă̱ħˑniˑgo̱'ă̱sˑahˑdo̱h', haˑwă̱'a̱hˑseeh', Go̱'a̱ˑwa̱k', deˑji'saˑdi'waħˑsaˑgwʋs' ne saˑi'waˑneħ'akˑshăħ.

Oˑnă̱h' haˑgo̱'yă̱ˑa̱h'seeh, neħ, no̱''gweh ho̱ˑwa̱ˑdyă̱'noħkˑdaħ'seeh, na'wă̱nˑdaˑdo'gă̱hˑdo̱h; tă̱ħ'ă̱h deħˑneeħ' no̱ˑgweh' aˑgo̱ˑwa̱ˑdyă̱'noħk'daħ'seˑaak' na'wă̱nˑdaˑdo'gă̱hˑdo̱h.

Neħ dih, noˑnă̱h' tă̱ħ'ă̱h deħˑjo'gweˑnyo̱s'o̱o̱ħ neˑdòsˑgă̱'o̱h ho̱ˑsa'ă̱nˑno̱nˑthis heˑniˑtha'yaħ'daˑdeħ', heˑniˑgă̱n'dyòhˑgoˑwaˑnă̱h', daˑă̱ˑno̱ˑweħ'săˑgòħ' ne gaˑno̱h'saħˑgĕh, oˑdo'gă̱hˑdo̱h' he'o̱ˑweh' ni'aat'; neħ noˑnă̱h' do̱nˑdaaˑdi'it, ne' neħˑhuh' da'ă̱ˑno̱ħˑsă̱nt ne ga'no̱o̱kˑdaħ', neħˑhuh' haˑyaħ'daˑaˑdyĭĕħ' noˑno̱o̱k'daˑnih, neˑdeħˑswă̱n'niˑno̱n'dokˑhaħ', naħ'ot.

Neħ gwa', sho̱, na'eˑswai'waˑyă̱nˑdeeħ', haaħˑhas'desˑhăăt No̱ˑwa̱'wa̱k' no̱'gweh' nĕk'huh yo̱'ă̱n'jaħˑgĕh, ne dă̱ˑcha'goˑi'waħˑsăˑgwʋs' ne goˑi'waˑnĕħ'akˑshăħ, — haˑwă̱'a̱hˑseeh no'no̱o̱k'daˑnih ne deħˑswă̱n'niˑno̱n'dokˑhaħ naħˑot, — Neħ noħˑgo̱'yă̱ˑa̱s, Desˑdaħt'; deˑsĕk' ne sa'no̱o̱kˑdaħ'; sah'dă̱nˑdih; neħˑhuh' ho̱ˑsa'seeh', ho̱ˑsa'jo̱h' he'diˑsa'no̱hˑsòt.

Ga'ă̱ˑdiħˑgwah' niˑgaaħ' deħ'gaˑno'o̱ħ', na'yo̱nˑda'dă̱ˑa̱s' ne goˑno̱o̱k'daˑnih, ne deħˑswă̱n'niˑno̱n'dokˑhaħ' naħˑot', Do̱'seˑsaˑdi'waħˑsăˑgwʋs ne sai'waˑneħ'akˑshăħ; neħ, giħˑshă̱h' na'yaˑgă̱ħ', Desˑdaħt'; deˑsĕk' ne sa'no̱o̱kˑdaħ', sah'dă̱nˑdih'?

Waħˑo'go̱nˑdaˑdyĭĕħ desˑho'daħˑo̱h; deˑoh'gwă̱h ne gaˑno̱o̱k'daħ'; hohˑdă̱n'dyo̱sˑo̱h', gaˑgwe'go̱h' deˑo̱'wa̱ˑga'neeħ; neħˑhuh' hoħ'gaakˑdaħt, naaħ'deˑyoˑdoħk' wa'oˑdi'waˑnă'ăˑgòħ; deˑo̱'wa̱ă̱h'să̱ˑo̱'nyo̱sˑo̱h', kuh, Na'wĕnˑni'yòħ'; hoˑnă̱', Tă̱ħ'ă̱h de'wă̱nˑdo̱h' deħˑdyo̱'gwatˑgaatˑhwă̱h' neħˑhuh' no̱'yaˑwă̱h'.