Popular Bible Verses from John 21

Share

Neħˑhuh dih niˑyoˑweħ' noˑnă̱h' hoˑdik'hwă̱nˑdaħ'o̱h, Jeˑsus' haˑwă̱'o̱hˑseeh neh Siˑmo̱n Peˑter, Siˑmo̱n, hyaˑaˑwak neh Joˑnă̱s, si'gwa' gă̱h heˑnisˑkno'o̱hˑgwaħ naeh heˑniˑyòħ'dă̱ă̱h' nă̱ˑgă̱ă̱h? Neħ neh haˑwă̱'o̱hˑseeh, Ă̱ă̱h', Syaħˑdaˑgwĕnˑniˑyòħ; neħ neh să̱ˑno̱h'do̱ħ naeh heh go̱ˑno'o̱hˑgwaħ. Neħ' neh haˑwă̱'o̱hˑseeh, Sheˑno̱nt naˑges'heˑnă̱ħ'sho̱ħ neh deˑyò'diˑno̱ħ'gă̱ˑo̱nt oˑditˑhwʋs'ho̱ħˑo̱h. Neħ' aeħ nesˑhaˑwă̱'o̱hˑseeh neh' dek'nii waˑdo̱ħ'taħ, Siˑmo̱n, neh' hya'aˑwak' neh Joˑnă̱s, Sknoˑo̱hˑgwaħ' gă̱h? Neħ' neh haˑwă̱'o̱hˑseeh, Ă̱ă̱h', Syaħˑdaˑgwĕnˑniˑyòħ; Neħ' naeh neh să̱ˑno̱h'do̱ħ heh go̱ˑno'o̱hˑgwaħ. Neħ' neh haˑwă̱ˑo̱hˑseeh, Sheˑno̱nt, desˑhe'yă̱ħˑnyaˑdo̱o̱k naˑgesˑheˑnă̱ħ'sho̱ħ deˑyò'diˑno̱ħ'gă̱ˑo̱nt. Neħ' neh shaˑwă̱ˑo̱hˑseeh neh să̱h waˑdo̱ħˑtaħ, Siˑmo̱n, neh hyaˑaˑwak' neh Joˑnă̱s, Sknoˑo̱hˑgwaħ' gă̱h? Neħ neh waaħ'niˑgo̱ˑetˑgă̱ħt neh' Peˑter neħ ga'i'o̱ˑnih heh wa'wă̱ˑo̱s neh' să̱h waˑdo̱ħ'taħ, Sknoˑo̱hˑgwaħ' gă̱h? neħ' neh wa'wă̱ˑo̱s, Syaħˑdaˑgwĕnˑniˑyòħ, neħ' naeh neh, haħˑdeˑyo'iˑwaˑgeeh hehˑsyă̱nˑdeˑih; neħ' naeh neh să̱ˑno̱h'do̱ħ heh' go̱ˑnoˑo̱hˑgwaħ. Jeˑsus haˑwă̱'o̱hˑseeh, Sheˑno̱nt' naˑges'heˑnă̱ħˑsho̱ħ deˑyò'diˑno̱ħ'gă̱ˑo̱nt.

Doˑgă̱s', doˑgă̱s' oħˑgo̱'yă̱ˑo̱s, neħ nah'so̱h chiˑso̱'gweħˑdaˑseeħ oħˑchat'hwahˑhaaħ gă̱ă̱s, oħˑsah'dă̱nˑdiħ' kuh, gaˑnyòòħ' sho̱ he'o̱ˑweh oħˑseeħ neħˑhuh he'geeh; neħ gwaah' noˑnă̱h' ă̱hˑsat'gă̱hˑjis neħ neh tgaˑgo̱nt achˑhă̱'nisˑòhˑdaˑgwa'ihˑso̱ˑgòħ, neħ' neh oˑyaħ' naeh dă̱ˑye'saˑwaˑhaaħ, neħˑhuh' kuh hă̱ˑye'saˑaħ he'o̱ˑweh ă̱ˑgă̱'o̱o̱k naeh neħˑhuh deħˑdi'saħˑniˑgòòħ'dă̱ă̱h, [he'o̱ˑweh hă̱ˑye'saaħ.]

Neħ naˑgo̱ˑyă̱'o̱hˑseeh Neħˑhuh swaħˑaˑoh' neh gaˑyă̱'nehˑgo̱'gwaah no̱hˑga'o̱ˑwa̱ˑdih, neħˑhuh' naeh ă̱ˑswaˑgă̱ħ. Oˑnă̱h' neħˑhuh' gwaah hoˑno'o̱h, neħ' dih neh oˑnă̱h' tă̱ħ'ă̱h deħˑshoˑdiˑgweˑnyo̱o̱ħ' no̱ˑdaˑă̱ˑno̱nˑdi'ă̱ntˑhòħ, neħ' heˑniˑyo'no̱ntˑgaħ'deħ neh gă̱ˑjo̱h.

Neħ naˑgo̱ˑyă̱'o̱hˑseeh neh Siˑmon Peˑter, Neħ niiħ noħˑgi'jòħˑyakˑhaħ. Neħ no̱ˑwă̱'o̱hˑseeh, Neħ nă̱ă̱ħ' iiħ neh' waħˑa'gwahˑdă̱nˑdiħ, ă̱ˑdweeħ. Neħ noˑno̱h'dă̱nˑdyo̱s'o̱h, neħ neh gaˑo̱ˑwa̱ˑgo̱o̱h hoˑno̱n'deħˑno̱h'dahˑho̱h; neħ ne'neħ wahˑso̱n'daˑdeħ deħˑtaħ'gwĭsˑdă̱ħ deˑoˑdiˑyeˑno̱o̱ħ.