Popular Bible Verses from Markus Uram 14

Share

Ebmou cok, Er Imtamnyi bisi ato eboka molobmou, “Nai, Kanda ukubman kum dinyi ton kum kukurur ati, Kanci a yankwamanir mambul dinyi asi bisik sekoka lebdeibnurum. Nira ato eboka molobmakin bok, Kan tenebniminyi tok akwe ur da kunubnurur,” ebmou.

Sun wi mana mem. Eda, kalikokabmunci, Er Imtamnyi bisi molobdobdarur. Ba, sunci, ‘Mambul dinyi yangasici ura, manmalibibyei,’ tenen Er Imtamnyi bisi, ‘Lebsurum,’ eboka molobdobdarur. Sunda sun kanya dam aryi, ‘Kalikdandobkwanuba,’ tenerandum bok, sun nong mitang kusurur deyok aryi, diboka kum kalikdaute ati, Er Imtamnyi bisi, ‘Kanci nunsi milibsurum,’ eboka molobdandobdarur,” ebmou.

Ati, sunci Nisi kekendarur. Niryi sunsi diboka ebkwinsin. Sunda a ner asi kerebmarum bok, ninyi nirya aryi a ner asi kisal dakwaming. Ara, im dangna tukwe dangna nang nirya aryi Teleb Uram deyok kekebkwaming nang nirya aryi a ner aryi ukubmanir to kekebkwaming. Kekebkwaming ba, sunci a ner aryi ukubmanir to iya teneibkwaming ati, sun yuk nang asi etererbinkwaming,” eboka Er Yesus biryi sun Er ab tonkwa yinmai nang asi eterebmou.

Ati, Erci Er miliramnyi nang winiryi nang asi ato ebmou. “Ni kanya mambul weik kubnir deyok aryi, din kanya deinmanir. Ati, sunda kalikoka atam dibde buknumunyi ba, Ni yuk otam binkun,” ebmou.

Ura, Er Yesus ab Er miliramnyi nang ab tonkwa Paskah kwalibmaici, Er Yesus biryi roti ton dobtalebmou ura, Er Imtamnyi si weik ebmou. Sirya ebmou ura, Erci a roti asi toboka Er miliramnyi nang asi bokeibmou. Bokeibmouci, Erci sunsi ato ebmou. “A roti ara Ni nong a kunum. Ati, sunci, ‘Nun Du biryi nunti dibkwamar,’ teneiboka sunci a tobmasin roti asi doyibdarur.”

Ebmou ba, roti asi sirya doyibmai ura, Er Yesus biryi me yin moyok asi anggur du yung dikdongobmai asi dobtalebmouci, Er Imtamnyi si weik ebmou. Sirya ebmou ura, Er miliramnyi nang asi ato ebmou, “Ur doboka boboka yibdarur,” ebmou ura, sun nirya doyibmai. Anggur du yung sirya doyibmai ura, Er Yesus biryi Er miliramnyi nang asi ato ebmou. “A doyibmarum anggur du yung ara Ni ining a kunum. Ni dibnyi ba, Ni ining sakwande. Nira sun ninyi ilinto asi leboka Er Imtamnyi ab murubdeibkwansin ati, Ni dibkwaman, ining saknici asi. Ati, sunci, ‘Nun Du bira nunti dibkwamar,’ tenen teneiboka a anggur du yung asi doyibdarur,” ebmou.

Banmai ura, Er Yesus biryi Er miliramnyi nang asi, “Sun nirya ara sun kanya dam aryi Niti kankana kuboka Nisi taklobkwanurum. Ba, minob aryi Er Imtamnyi Uram ermururamunyi biryi nunti kerek sekeiamwe to, diba kunubkwamasir. Ara, erci nunti ato eboka kerek sekeiamwe, ‘Er Imtamnyi biryi ato ebmar, “Niryi domba kalingnanyi bisi obkwan. Ba, erci kalingnanci domba mer nirya ara yuk-yuk binsekwaming,’ ” eamwe. (Zakharia 13:7)

Ati, sunda bukoka tikokmunyi ba, anaboka binkwayeb. Dindarur, Ni kikibkwiniranyi dam a yangar ati, ebdankub,” ebmou.

Ato ebmou bok, Er Yesus biryi Petrus bisi ato ebmou, “Kekenurum. Tola kuma, kanbabyi Nisi taklobkwamanirim. Arub lukunda aryok maka kirim yim uram liki bitinyi kum ngalukabde bok, kanci liki bitinyi winiryi ebtabakoka, ‘Anyi bira ni kum bingnunyi,’ ebkwanirim,” ebmou.