Popular Bible Verses from Johan 14

Share

A nouneu khapie nieko tsüya, a thuo a nouneu khapie nie tsüya. Kijüue khapie mia tsüyakezha tuoi a pie nie tsütuoüzhü mo. Nie noukemezhieta suo mu michie rei ta hie.

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

“Nieko noukemezhieta suo, Ukepenuopfü pele balie, a pele rei balie.

Derei Thukepeluo, Kemesa Ruopfüu, Puou a za nunu ketseshüketuou thuo mha pete pie nie pethalietuo, mu a nie ki pukeshü pete nie bu rükralietuo.

Kehoupuorei a diekhakeshüko ngulie di süko chüüzeyakezhamia a khrieya; mu a khrieyakezhamia a Puou rei sümia khrietuo mu a thuo a pie uko pengushütuo.”

Siro a Puou ki chatuo, mu puo Thukepeluo kekrei puo khashütuo, mu puoe kechachie nieko ze tuo zotuo. Hauha ketho Ruopfüu, kijüu puo zelie kenjükecüu zo, süue puo nguya mo, morei puo si reiya kemo la. Niekoe puo si ba, puo nieko ze tuoya, mu nieko nou tuo zotuocü la.

Tsiu nie a za nunu mhakehoupuorei cha ro, Nuou geinu Puou bu zayie chülieketuo la a süu chüpie tsü zotuo. Nieko a za nunu mhakehoupuorei cha ro, a süu chüshü zotuo.

“Nieko a khrieya ro, nieko a diekhakeshüko zetuo.

A Puou kinu themia ba ba phi. Simo ükecü siewe a nieko ki pushüwata zotuoweü, siro a vo nieko ba kesetuoü batacü la.

Siro a vo di nieko ba keselieta ro a la vor di nieko ze a ki votatuo, sidi nie bu rei a kebara balietuo.

Thoma sie puo ki, “Niepuu, no kirapuo votieya shi hie si mo. Hie kikemhie di cha süu silie ta?”