Popular Bible Verses from Toukepra 2

Share

Siro Ukepenuopfüe uko meheimelokeshüko sishü tse, Ukepenuopfüe Abraham, Isak mu Jakob ze dietseidiekho pie ketuou rükralie. Siro Ukepenuopfüe Israelko mehoshü, sidi Ukepenuopfü uko rüli leshü.

Zha kekra sie Ijipt kediu siata. Siro Israelmiakoe miadie chü di meheimelozhü zo, sidi kekhruohi cha, sitse uko kedie kechü la rükhruokeshüko Ukepenuopfü tsolie.

Mu unuoyo memielie, sitse puoe unuoyo ze Faro nuopfü ki vorshü tse puoe pie puo nuo chüta; siro puoe puo zapie Mosa chü, mu puoe sie, “Kekreilamonyü a dzü nunu puo shü parkelie la.”

Sitse Faro nuopfüe puo ki, “Nuo hayo ze volie, di puo thekepie a tsücie, siro a n zha chüshü n tsütuo,” si. Süla thenupfü unuoyo zelie di puo thekelie.

Süki Faro nuopfüe dzü rülutuoü kerü nu tsur, mu puo zetuopfüko kerü khie rühou tuo; ru puoe tekhrieko donu merhau zhükecü ngulie di süu chüpie phirnu di puo zetuopfü ketseshü

Mosae phichülie tse, khunhie puo puo themiako ki kho di uko pie kemesiko mehoshü; mu puoe Ijiptmia puoe puo themia Ibrimia puo vüketha ngu. Puoe lutsahatsa mehoshü, mu miapuorei ngu mo ru puoe Ijipt-u dukhriwa; di huocanyo nu puo keviewa.