Popular Bible Verses from Luka 14

Share

“Nzup mung kǝ taa ta makghaa, nakghaa mu byaa min rak, shee mee ni ɓyak ruɗan mi kǝ ɓyak mang kǝ ruɗa dǝ mee ɗǝ nak mee, yii mee ɗaa wan mee, azaa mee ɗaa azaa mee, ɗǝ shii mee rak, shama nakghaa mu byaa min rak.

Nzup mung kǝ mee ni cir koning gandalangaa mee kǝ bii mi rak shama kǝ nak mu byaa mi rak.

Nzup mung kǝng makghaa shii mee a mbasakghaa ma, mung kǝ mbasak shii mee a makghaa ma.”

Tung kaɓan, nzup mung kǝ mee ni kalak awuu kǝng ɗǝ mee rak shama nakghaa mu byaa mi rak.

“Ng mu ɗakghai yin ni ruɗa lokghaa lokng toor, ɗaa kǝ ɓasa kaa pang, awuna mak ni pang ng wuna ta shiin lokghaan lok kyaa paa? Ng ɗǝ pyar kǝ shama lokghaa lok ki kǝ kǝɗaa? Ng mee ni foo dat lok ki pang sham lokghaa kǝdɗaki rak, nzup mung kǝ mee ni lakshii pang ɓee shiishala ma. A shee ka, ‘Sum mari kap lokghaan lok pang kǝd maa rak.’

Tung kaɓan ng wo ni kwara lakng ryaa maa wura ryaa, kaa tokshii angaan shoor ɗaa gurum, ɗaa angaa kwak shanggad ɗaa rup, Tung ka a shama pǝra ku rak. Vitor fwaa ku maa myak zar mee ta, taa pǝra ku viin Nanzwa maa sum zar raa.”

“Mangshii kun, nzup ɗǝ kaɓan ng wusungaa mee ni kǝd, a shaa kacee ni pang kaa pora ɗǝ wusungaa mee tǝkwak ta paa? Shaa ndar maa awuu zar rak, shama ryakghaa awuu ɗǝn kǝ maksar rak. “A furayang maa ni maad. Mung kǝng ɗǝ kutun yira kǝ yiri.”