Popular Bible Verses from Lukas 17

Share

O Jesus phenda gole lleneke: Uste ta llatar, pala cho pachape avilan sastardo.

Makar cherela o bilachipe chuke efta droma ando llive, te avela tute efta droma te phenel chuke: Ni ka cherav le pale, morabi te prosti le.

Iek lendar, kana dikhla kai sastilo, irisailo ta blagosila e Devle bare avazea, ta dia changa angla o Jesus, ta leko mui reslo llik pe phuv te del le fala. Gava lleno saia katar e Samaria.

¡Arakhen tumen! Te cherela cho phlal o bilachipe, de pe lete. A te keilape, prostisar le.

O Jesus phenda: ¿Inai sena des gola kai sastilen katar tumaro nasualipe? ¿Kai talen ogola inia?

O Gazda phenda lenge: Te avilaia tumaro pachape, sargo iek simicha mostasaki, sai phendena gale kasteke: Le tut katar ta thov tut ande mora, ta o kas kandiaia tumen.

O lleno kai mangela te braduil po zivoto, ka jasarel le. A o lleno kai ka jasarel le, ka braduilpe.

O Jesus phenda pe disipulonenge: Nasti achave e ezgode gale suetoke kai cheren e llenen te peren ando bilachipe. A ¡tesko e lleneke kai cherel averen te peren ando bilachipe! mai lache avela gole lleneke te chuden le ande mora phanglo e korratar pe iek baro barr, neko te cherel te perel ando bilachipe iek katar gala minonorre.

Ta isto gia sar saia ande llivesa e Noeeke, isto gia ka avelpe kana ka avel o Chavo e Manuseko. O sueto jala ta piela ta zininape, llik kana o Noe dia ande bari llimia, ta avilo o bursin ta sa mule.