Popular Bible Verses from Lukas 14

Share

Te avela vareko mande ta ni volil man mai but neko pe dade, pe da, pe rromia, pe chaurren, pe phlalen ta pe phiorren, ta neko isto vou pe, nasti avel mo disipulo.

Ta ko ni lel isto piro krusto ta ni llal pala ma, nasti avel mo disipulo.

Soke gua kai bariarel vou pe, ka avel thodino ando lallao, a o lleno kai cherel vou pe minono, ka avel bariardo.

Goleke, vareko tumendar te na mukela sa so si le, nasti avel mo disipulo.

Vareko tumendar te mangel te cherel iek cher, ¿ni ka besel mai anglal ta ka llinel pe gachin love ka del, te dikhel dal si le soia te getol le? Te na cherda gia, ta te thoda e barra kai llan ande phuv ta mapalal nasti getol le, kogo ka dikhel le ka marel letar espurnia, ta ka phenen gia: Gava lleno thoda te vazdel po cher, ta nasti getosarda le.

Mai sukar si kana ka chere iek jape, ikhar golen kai inai len love, e llenen kai inai len porrne kai si korre, ta ka ave veselo. Soke von nasti pochinen chuke, a chuke ka pochindol o llive kana e llene lache ka usten katar o meripe

O lon si lacho, a te jasarel po londipe, ¿sar ka avel pale londo? Ni trubul ni e phuviake ni e gosnienge kai si pe umpa. Samo si te chudiniaol ando llubri. Golen kai si len kan, te asunen.