Popular Bible Verses from Yohana 14

Share

Nene namurekea nyenye majëghana. Nene namufaa nyenye majëghana ane. Majëghana në nene ngumufa nyenye ti mwino urëmi winjë umufa. Nkhoo yanyu, itakhasëke kangë mutaoghofee.

Yesu agamwëëra, “Nene në njëa, nanë tutë, nanë ufanga. Gutie muntu nëujie kunë Tata, ëgweeso ukërëa kunë nene.

Yesu agavakhanëa asëywi vakwe, “Nkhoo yanyu itakhasëke, Muhuvëi Muungu, ng'uvëi neeno noo.

Ëgweeso Mwarëëye, Mwahu Mweru në Tata ugumutuma gwa rina rane, mweeso ujie umusiya nyenye mantu oong'e, Mwahu Mweru winjë umukumbukëya oong'e në nene namukhanëe nyee.

Mweeso unë wina maraghëëyo ane na uyakwatëëre, wasuu unë unyanjëte nene. Na mweeso unë unyanjëte nene Tata wane winjë umuyanja. Nene noo ngumuyanja na nene ngëdwëëya kunë mweeso.”

Na nene ngumuromba Tata, na mweeso ugumufa nyenye Mufefeheyi ungëja, ugikhaa itambëëmwe mwinaanyu khae na khae. Uyuu në Mwahu wa tutë, unë urëmi utiumughenyifa, gusoko weeso winamwoona, na mbesa utinamumanyaa. Nyenye mumumanyie mweeso, gusoko mweeso ugikhaa itambëëmwe na nyee, na ugutenda wë mukhatë anyu.

Roong'e rasëë në nyenye muromba gwa rina rane, nene ngurëtenda intu rasëë, si Tata adahe ukuriwa mukhatë a Mwana. Mbesa nyenye mwinjë uromba intu roong'e gwa rina rane, nene ngurëtenda intu rasëë.”

“Mbesa nyenye munyanja nene, nyenye mwinjë ukwatëëra Mufefeheyi ane.

Ukhaya amwa Tata wane gwina mikhao mëgharë. Mbesa tiuvii sa namukhanëe nyee. Nene noka ughondanëya mikhao gusoko anyu.

Na itungo në nene nenda ughondanëya mikhao gusoko anyu, nene nëjie kangë umuhora nyenye kunë nene nërë. Kunë nene ngutenda nërë nyenye noo sa mwurë faafo.

Tomaso agamwëëra Yesu, “Müküü, sese gutimanyie kunë veve winjë, sese gudaha wurë umëmanya njëa?”