Popular Bible Verses from Lucas 9

Share

Ñiskirñam llapan runakunatapis kënö ñëqan: “Pïpis discïpulö këta munarqa kikinpa munënillanta rurar ama kawatsuntsu. Ñakanan wañunan kaptinpis cada unaqpis ñoqaman confiakamur qatimätsun.

Kawëninta salvëta munaqkunaqa kawëninta oqrayanqam. Kawëninta ñoqa rëku oqraqkunaqam kawëninta salvayanqa.

Jesúsñam ñëqan: “Pïpis qepapa tikrakushqaqa yapyantsu. Tsënö castanpaq y imëkankunapaqpis yarparëkarqa ñoqapa discïpulö këtaqa manam puëdinqatsu”.

“Infiernuman itëkushqa kananpaq këkaptinqa ¿imapaqraq välin entëru mundupa duëñun kanqanpis?

Pïpis ñoqapik y willakïnëpik pinqakuptinqa Runapa Tsurinpis pëpik pinqakunqa, Teyta Diospa, santu angelninkunapa y kikinpa chipipikyarraq shamurmi.

Jesúsñam ñëqan: “Atoqkunapa maćhëninkuna kanmi. Pichukunapapis qeshwankuna kanmi. Runapa Tsurinpaqam mëćhö puñunallanpaqpis kantsu”.

Ñirkurñam ñëqan: “Pïpis kë wamratanö shutëćhö ćhaskeq kaqqa ñoqatam ćhaskiman. Ñäña ñoqata ćhaskimarnëqa kaćhamaqnëtam ćhaskin. Qamkunaćhöpis mas humildi kaqqa mandakoqmi kanqa”.