Popular Bible Verses from Lucas 6

Share

Runa masikikunata qarëkuyaptikeqa Teyta Dios qamkunatapis mas mastam kutitsiyäshunki tupunqëkipikpis ićhat ićhat. Runa masikita imanöpis yanapayanqëkimanmi qamkunatapis Teyta Dios yanapayäshunki”.

Tsënömi ari alli runaqa allita yarpanqanta parlan y mana alli runañam shonqunćhö mana allita yarpanqanta parlan. Runaqa shonqunćhö yarpanqantam allitapis o mana allitapis parlan”.

“Qamkunaqa ćhikiyäshoqnikikunata kuyayë. Pëkunapaq allikunallata rurayë. Imatapis mañëkur ama yarpäyëtsu pagrayäshunëkitaraqqa. Tsënö alli kawayanqëkipikmi Teyta Dios alläpa chumaq premiuta qoyäshunki. Pëqa mana agradëcikoqkunata y utsasapakunatapis kuyapanmi. Tsëmi qamkunapis kuyapäkoq karqa poderösu Teyta Diospa wamranña këkäyanki.

Teyta Dios kuyapäkoq kanqannö qamkunapis kuyapäkoq kayë”.

“Teyta Dios mana juzgayäshunëkipaq runa masikikunapa vïdanta ama ashiyankitsu. Llutallata rurayaptinpis ama contran yarquyankitsu. Contran yarquyänëkipa rantinqa perdonayanki, Teyta Dios qamkunatapis perdonayäshunëkipaq.

“Wiyëkämaqkuna, chumaq entiendikuyë. Ćhikiyäshoqnikikunata kuyayanki. Mana alli rikäshoqnikikunatapis alli shonqïkikunawan rikäyanki. Rimayäshoqnikikunapaq allillata parlayanki. Ćhikiyäshur contrashoqnikikunapaqpis Teyta Dios yanapananpaq mañakuyanki.

Runa masikikuna qamkunapaq allita rurananta munayanqëkinö qamkunapis runa masikikunapaq allillata rurayanki”.

Laqyëkuyäshuptikeqa ukllan qaqllëkikunataña kamëkuyanki. Punchïkikunata qećhuyäshuptikeqa chompëkikunatapis llushtipïkuyanki. Imatapis mañakuyäshuptikeqa qarëkuyanki. Tsënö imëkikunata qećhurniki apakuyaptinqa ama ‘Kutitsimë’ ñiyankitsu.

“Alli wayoq aćhaqa manam mana allitaqa wayuntsu. Tsënöllam mana alli aćhapis allitaqa wayuntsu.

Wayïninpikmi ima aćha kanqantapis reqsintsik. Manam kashakunapiktsu hïgusta pallantsik ni irakakunapiktsu üvasta pallantsik.