Popular Bible Verses from Lucas 19

Share

Oqrakashqakunata ashirnin salvananpaqmi Runapa Tsurinqa shamushqa”.

Tsënö alabarninmi ñiyäqan: “¡Teyta Diospa shutinćhö shamoq rey alabashqa këkullätsun! ¡Teyta Dioswan alli kawëćhöña kashun! ¡Ciëlućhöpis alabashqa këkullätsun!”

Jesúsñam ñëqan: “Kananmi kë runapis y wasinćhö täkoqkunapis salvashqaña këkäyan. Teyta Diosman Abraham confiakunqannömi pëpis confiakïkan.

Tsëpa päsëkarñam Zaqueo llätarëkaqta rikaskir Jesús ñëqan: “Zaqueo, sas yarpamï. Kananqa wasikićhömi patsätsimanki”. Zaqueo sas yarpaskamurmi alläpa kushikur wasinman Jesústa pushäqan.

Wasinćhö këkarñam Zaqueo shäkurkur Jesústa ñëqan: “Teytë, llapan kapamanqanpa pullannintam waktsakunata rakipushaq. Y pïpa imantapis qećhushqa karqa ćhusku kutim masta kutitsishaq”.

Tsëñam runakunapa ćhöpinćhö ëwaq fariseukuna ñiyäqan: “Teytë, qatiyäshoqnikikuna upälläkuyänanpaq ñiykï”. Tsënö ñiyaptinñam Jesús ñëqan: “Pëkuna upälläkuyaptinqa rumikunapis qayararmi Teyta Diosta alabayanqa” ñir.