Popular Bible Verses from Tavui Leo 17

Share

Tavohe i Ebram higaona ngavulu geisiwo siwo domwagi gaisiwo, HUQE mo vosangie lawea, move “Neu a HUQE Huireana, ko dige na vovohoi mei eu me a tangaloi na mese sawirigo.

Siu a henamu taligu hate i Ebram, nge a henamu vin voragi Ebraham, huri nain veigo goin vuragi na tamai vanue sao.

Nain vei na noku waratau siaga vagituei lo livuge daru mei renetumu siu lo tagumu mo huri na bambagi mo vomai teu mosigei, nain vuragi nomu Huqe Mauri me ngere hi lo tagumu.

“Huri eu, nge ngaha a noku waratau siaga mei go: Niko goin voragi na tamai vanue sao.

Siu Huqe Mauri move, “Io i tubui lo valemu Sera vin bamba netumu mwera, me niko goin suri na henana a Aesak. Nain teu na noku waratau siaga meie vin vuragi na waratau siaga vagituei lawe reduvine lo tagune.

Nain bete lawego mei renetumu lo tagumu, vanue Kenan gom vuragi na hala lolona, nain bete na gineu doluegi vin voragi nomu vagituei me nain voragi na nomiu Huqe Mauri.”

Ebraham mo soi hivo gena nagona, mo mana me mo gatogato gahea move, “Ve u garea huri vena tangaloi vin hankovi na maresu lolo higao vudolue? Huri vena i Sera vin hakovi na maresu lo higaona ngavulu geisiwo siwo?”

Huqe Mauri mo veve lawe Ebraham, “Nge huri Serai tubui lo valemu, gon he warea te taligu huri ve i Serai nge a henana vin vuragi Sera.

I niko goin lehe hurivena a teve gigilegi mo vaiana me vin vuragi na gai gigilegi waratau siaga lo livuge daru.

Nge a noku waratau siaga nain veie mei Aesak, huri Sera vin bamba lolo taro mwere ngaha lo higao taligu.”

Lo bambagi vin vomai, vataha na mwera doluegi mei gimiu bongire gaiwelu rain teve gigilegi nire meire hi rau vora lolo valemu mena maresu halo me ngere hatie renetumu. Vovohoi garagara tareve rau vora lolo valemu sige neu volire gena vatu, ngere rain teve gigilegi nire. Noku waratau siaga lo tarabesimiu vin voragi na waratau siaga vagituei.