Popular Bible Verses from Leo 7

Share

Me goin ilo huri ve nomu HUQE Mauri nge i Huqe u garohuri siu nge u hango bibi na nona waratau siaga mena vaigareagi lawera, rau leogareagi me lawe na sinobu teriteri ngere ram tabea ko ram wiribibi na nona leohora.

Huri gimiu a tangaloi gogona lo nagoi nomu HUQE Mauri. U leo wahe gimiu den tangaloi doluegi lo nagoi ure siu gimiu hogosie Nie leogareagi gimiu lawuagi dena sinobu doluegi.

Nge ba HUQE u leogareagi ginde me u hako bibi na nona waratau lawe retubumiu. Nge i HUQE u lei vohogi gimiu gena nona huireana me u vagamwasoi gimiu dena vanuei tangaloi gimiu neu tabana gagarasi lune, ko den muremure noi Vero nora ratahigi tau Ijib.

Lo tarogi i HUQE u leo wahe ginde, dai sao tea. Vena liure dena garo lalavasigi lo ure ngaha, garoda u biti lawuagi liu den garora lolo ureure.

Vin vei gareagi gimiu liu na sinobu doluegi; mwera mena vavine doluegi rain hango maresu. Siu bulemiu bomboroa rain vehuhu.