Popular Bible Verses from Kenehi 4

Share

E kore ianei koe e kake, ki te mahi koe i te pai? Ki te kāhore koe e mahi i te pai, kei te kūwaha te hara e takoto ana. Nā, ko koe tāna e hiahia ai, ko koe ia hei rangatira mōna.”

Me Heta anō hoki, i whānau tāna tama; ā, huaina ana tōna ingoa ko Ēnoha. Nō reira i tīmata ai te tangata te karanga ki te ingoa o Ihowā.

Kātahi a Ihowā ka mea ki a Kaina, “Kei hea a Āpera, tōu teina?” Ka mea ia, “Kāhore ahau e mōhio. Ko ahau ianei te kaitiaki o tōku teina?”

Nā, ka mea ia, “He mahi aha tēnei āu? E tangi mai ana te reo o te toto o tōu teina ki ahau i roto i te whenua.

Nā, ka mea a Ihowā ki a ia, “Nā reira ki te patu tētahi i a Kaina, whitu ngā utu e rapua i a ia.” Nā, ka hōmai e Ihowā he tohu ki a Kaina, kei patua ia e tētahi tangata ina tūtaki ki a ia.