Popular Bible Verses from LUKA 4

Share

“Yuka na Matalona ina kuwe ki‚ igbonaga lepe agelundra na i trukokindro na lemerika kilo kuu na’buna. Lepe asunyundro na i trukokindro na ŋutulu laga amomoka kilo kulia na lakeni ko kine ku ti ŋayi na konye ti ŋutulu laga a mudumudu kilo‚ ku yukuwe na ŋutulu laga asasanya kilo, ku i tokuzo na kiŋa lo ru Matalo ilo.”

Yesu druga teyitokindro lepeŋa adi‚ “Awuro adi, ‘Teminine Mata Ŋun lolu ilo, ’bo kuke lepe ’du.’ ”

Yesu druga teyitokindro lepe adi, “Awuro adi, ‘Ŋutulo ani gbo’da zoru ku nyosu ka’delo.’ ”

Kugbo Yesu laga azore ku Yuka Nakiyena, ku ayite i kare laga Yorodani yu‚ druga Yuka Nakiyena ’doladru lepe i diŋo kata yu‚

Yesu druga teyitokindro lepe adi, “Atayi adi, ‘Ku momoru Mata Ŋun lolu ilo.’ ”

Kugbo kasosoyini lo kulialo laga atutuzo luluga nanyena giri druga kolokindro lepe ku baŋe a naŋutru.

Druga kasosoyini lo kulialo zonga lepe ki‚ druga kpekindra lepe tumataki naga i kani kine giri wuleŋa gele‚ druga takindra lepe adi‚ “Na ititikindra do ina teriŋi de ku sopo nanyena itro‚ ’bo atiki na‚ ’bo na ititiki ŋutu laga na nyadru tikindralo. ’Bo ku do laga aruguŋo ka i teminizo na na‚ ko giri igbo’da a koluŋa.” Yesu druga teyitokindro lepeŋa adi‚ “Awuro adi, ‘Teminine Mata Ŋun lolu ilo, ’bo kuke lepe ’du.’ ”

Kasosoyini lo kulialo druga zonga Yesu Yerusalema yu‚ druga tolirakindra lepe i ’dongole na kadi na Ŋun ina ki yu‚ druga takindra lepe adi‚ “Ku do laga a Ŋiro lo Ŋun, gupara mugu inide ka yu, igbonaga awuro adi, ‘Lepe ititikindra malaika kanye kilo i tizu na do,’ ’bo, ‘Ko ikokomu do ku kenisi kase kilo ki yu i piri, ka’bi do ku zulokindro moko lolu i ŋurupi ki.’ ” Yesu druga teyitokindro lepe adi, “Atayi adi, ‘Ku momoru Mata Ŋun lolu ilo.’ ”