Popular Bible Verses from Jon 16

Share

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.

Oglou me iding ke oku ane umepmi Ida Tapolngon ke wan gesa batne ke ngong kovok. E oku ane umepmi Ida Tapolngon ke wan gesa e ma umodue wan tonari ma lumu ketirngen pula lokono.”

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu. E alo ka iye me ma iye nis osep taklak ina malak ke urok elio epmes ina e ke elio ka osuk e itau e ke elio ka Ida Tapolngon wade osep.

E umu blang langane. Oku ane aitno lumu soulu e mase ma ngavati umu blang deka ma aitno lumu neser. E ma osep tikaranga tidue lumu ketirngen polou yagos kovok. Ke oklou are ma umepmi ngong ke wan gesa kovok. Ngawai lokono ke umu langane. Langka umepmi Livou ke wan gesa batne ke ngong ma iye kare ke umu.

Ngawai ke umu lokono langane. Ma umekngis e umodue sisngen omba e osep taklak ina ma aitno lisak neser. E mase ma lumu sisngen polou ketirngen.