Popular Bible Verses from Luka 14

Share

akagharuka akawawurra, Mundu ekiza hangu, esishishirwa ni wawee, na mee, na mche wakwe, na waana wakwe, na wandwawo, na warumburie, mtano na moo wakwe ye, teidima kuoka mwanalosha wangu.

Ose asitika msalaba wakwe, na kuniratera mi, teidima kuoka mwana losha wangu.

Amu ose ekukweja enesejwa; naye ekuseja enekwejwa.

Na huwo mundu ose wenyu esivisua vyose evina, teidima kuoka mwanalosha wangu.

Amu niani wenyu ekikunda kujenga mnara, esiikae kuwoka, na kutara nzoro, ti ena vindu vya kuufisha? Isioke kwakicha ekiwoka kujenga esiidime kuidiwa, wose wemyoa wawoke kumsola, wekiteta, Mundu uu ewokie kujenga nete tena zinya ja kuwuidiwa.

Kake ukiareha kidjo kibaha, uwatighe wakiwa, virema, wechingilika, webajike‐meso, nawe uneoka keba; amu tewena cha kukuihia; amu uneihwa hena kuwuka kwa wandu wedi.

Munyu ni kindu chedi; kake munyu ukioka watesha mnono wakwe, nikini kiufwaniawa? Touwewawo nete hena mteme nete hena kitondo; wandu wautagha. Ula ena masikio ma kusikia asikie.