Popular Bible Verses from John 6

Share

Iesu erero maeaeape, Ara va ovokake ve pai iele — Arave maia ekeki la haela eroa he va ka — ae va arave rare kekelaki la haela are ma karave koa va ka.

Ove Veveke haela, ovokake leivila — aivau ve iele karia; ara ero maeaelula la oharo ove oharo, ovokake iele ila.

Poae leivila la eapai v'ila horova lei va arekaea — aka ovokake haiapo aeavila la eapai v'ila. Haela ve Akore la eapai ero aiarakilai, ehovea Oa Aualari are v'ila ihova leipe.

Araro kiparaeape haela ve ikivere maria — Akore ovohae eavi ikikelavalula haela oaria ovokake haiapo apeakilai. Ara va aireaki la hare erero lei uralapakilai.

Iesu erero kavale maeaeape, Aualari ve horova iele ma — e va are paraeape la haela ikikekelakive.

Oa araro aikiarape la haela oaria ere va arave maia ekevahaeakilai. Arave maia ekeki la haela ara avaka va ka.

Simon Peter arero maeape, Amua ela va leita la kai loakilai ha? A hiki ovokake haiapo ve oharo kileahaevila.

Kaia ve kihoaupe la pai ovokake, ara ma. Haela ae ma pai la larikilava are ovokake haiapo le aeakilai. Ara avaraki pai va iele — arave aivau: Ara arero avarakilai meahaiapo haela oaria ovokake leivahaeakive.

Haela ae arave maia ekeva ka: araro kiparaeape la Oa hiki araro hakeavakilai. Ara arero aireaki la hare lai urapakilai.

Ehovea Aualari ve pai iele — kaia ve kihoaupe ovokake avarakive la haela.

Ara va ovokake pai havahu.

Iesu pai kaili ivaiva oharo ai kilea haela v'ila hamureape; kilea haela au avape, haela oaria aiarape; ekaka kara are laria hamureape, erero hovea hovea aiarape. Ere eharau huharaila. Are kilea haela maeaeape, Eapai eroe oaria korukaiavahaeaki, eharu ae va havoavaki ave.

Ere ka 3 aka 4 mile hovea para koa koa ere va Iesu ma akea ve ekevila eavape; vevaea maeamaea vea; ere oaoka eapapo leivahaeape. Aka are erero maeaeape, “E oaoka kalaivahailue — Ara hiki ma.”