Popular Bible Verses from Yohana 4

Share

UNguluvi ali Mubepo. Avaanu viivagila ukwifuunya ngita uMubepo vaakwe kye ávawoneesiidze ukwifuunya ukwakwe, ngita kye ali ndakyene.”

Umusika gwikwadza, kangi gúfikile ku vaanu ukwifuunya kwa Daada uNguluvi, ngita uMubepo vaakwe kye ávawoneesiidze ukwifuunya ukwakwe, ngita kye ali ndakyene, pakuva uDaada iisaka avaanu avakwifuunya ewo.

Neke kangi ye iinyuwa ululenga lwe ndikumupeela, asilaakeluka mbeepali. Ululenga lwe ndikumupeela, luhadza lwivedza ngita fidwiwuli fya lulenga mugati umwakwe, ulwidwiwukila uwuumi uwa mbeepali.”

UYesu akumuhigaga iitigilaga, “Ngana ukali ukidzeelage kye iisaka uNguluvi ukukupeela, nu kutigila ye ani ye akukunyilika ululenga, ngali úmunyiliike, nave ngali ákupeeliye ululenga ulwa wuumi.”

UYesu akuvahigaga iitigilaga, “Ikyakuliya kyangu kwe kulima imikeelelele gya Daada ye aanumile, kangi ukumaliidza amalimo ge aameeliye ndilimage.

Umwayuuva uyo akumuhigaga uYesu iitigilaga, “Mutwave, uveeve uli hela ikikoongʼolo kya kunegela ululenga, kangi ikisima iki kitaali hiilo. Lino ukuluwona kwiya ululenga ulwa wuumi ulo?

Umwayuuva uyo akumuhigaga iitigilaga, “Ndiidzeela ukutigila uMesiya, ye viitigila Kilisiti, iikwadza. Kangi ndiidzeela ukutigila pe iikwadza, akutulongela dzonda.” UYesu akumuhigaga iitigilaga, “Ye neene ye ndiilongana naave.”

“Mwadze mukamuwone umuunu ye áandongiye dzonda dze ndaalimile. Siye Mesiya wona mwene uyu?”