Popular Bible Verses from Yohana 12

Share

Umuunu ye avedzaga ye akuunovela iligendwa, lwisakulwa aaniniilage. Kangi pepavedzaga pala pe ndigenda, pe peene pe iivedza nu mulimila-vangi vangu. UDaada ahadza akumuginiya umuunu ye akuuniniila.

Umuunu ye akuweenda uwuumi waakwe alawuyadza. Neke kangi umuunu ye akuwusuula uwuumi waakwe mwe naanyi umu, alawupoka nu kwanukila uwuumi uwa mbeepali.

Ndakyene ndikuvalongela ndiitigila, ngana imbeyu yisinaa yisiilwa pa muganga, ngita umuunu ye áfuwe, siyiimela, neke kangi, ngana yisiilwe, yiimela nu kuveleka ifiveleko fyoloofu.

Uneene ndáadzile mwe naanyi ngita lumuli, ukuta nayula ye akuufuuwa, atane ukusigala mu kiisi.

“Ye akugapulika amadzwi gangu, neke kangi asikugagendela, uneene sindimuhiga, pakuva sindaadzile pe naanyi apa ukuvahiga avaanu, nda haamu, ndáadzile mu kuvapoka.

Neke uMaliya anyamulage isupa iyili na mafuta matalamu aganya lunuusi lunofu, agaawuyiipwe ukuhuma ku kimelo ikiitambulwa naludo. Akumubakaga uYesu mu magulu, nu kupolosa ni fwili dzaakwe. Inyumba yonda yiidudiingʼanaga lunuusi lwa mafuta.

Neke linyamulage amahandzo ga makindo, lihelelage kumwanukila. Liiyooyaga liitigilaga, “Hosyana! Áfuunyiliilwe ye iikwadzila mu litaawa lya Mutwa Nguluvi! Áfuunyiliilwe uMutwa va Vaisilaheli.”

UYesu akuvahigaga iitigilaga, “Gúfikile umusika gwa kuvilatulwa indolo dza Muswamuve va Muunu.