Popular Bible Verses from Кэздэто 15

Share

Аврам патяяс лэ Раскэ Яхваскэ, ай Вов дыкхлас пэ лэстэ сар по патявно ай чячюно мануш.

Пала кадо о Рай Яхва сыкадилас Аврамоскэ ворбаса: — На дара, Аврам. Мэ сым тиро фиритори. Ғасныпэ тиро авла баро.

Вов ингэрдас лэс аври тай пхэндас: — Дыкх по чери ай гинав черғая, тэ шай чячес гинавэс лэн. Ай пхэндас лэскэ: — Эта кати авна тирэ парапутя.

О Рай Яхва пхэндас лэскэ пэ кадо: — Лэскэ чи ащла тиро миштыпэ. Тутар, анда тиро сэмно, авла о кавэр, каскэ ащла са тиро.

Атунчи о Рай Яхва пхэндас лэскэ: — Жян, кэ тирэ парапутя индулына па стрийно пхув, лэн инкэрна сар рабон, авла лэн насул траё, ви ащла кадэ штар шэла бэрш.

Алом о Аврам пхэндас: — Края, Рай Яхва, тэ ащяв бищяворэнго, соскэ мангэ барвалипэ? Саек муро миштыпэ пэрла каринг Мэшекоско щяво, о Элиэзэр анда Дамаск.

Андо кодо дес о Рай Яхва пханглас ворба лэ Аврамоса ай пхэндас: — Мэ дав кады пхув тирэ парапутёнгэ, катар э нал андо Египет жи кай э май бари нал Ефрат

Андо штарто поколение тирэ парапутя болдэна-пэ катэ палпалэ, анда кадо кэ аморэнго бэзэх инкэ чи пхэрдилас жи кай о агор.