Popular Bible Verses from John 16

Share

Nau me vava tamaike mun kamiu si kamiu a la o tamata alo inau. Alo marama iloke o ganawono te wonot kamiu; pa tur sov naapemiu; na me lalakete nan o marama.

Pa alo ineia, o Vui nun, te van ma, ni te tursalemoa kamiu ilo nun nol; ape ni tete vava matapuna; pa ni te vava o savasava ŋaŋ ni te roŋotag; wa ni te gaganag mun kamiu o gene ŋaŋ te wesu aŋaisa.

Kamiu gate tataro tiqa ape sava tea alo sasak; tur tataro wa kamiu te la, si nomiu o malakalaka te ura.

Panava nau we vava nun mun kamiu, ape nau we toa nan kamiu, pa te piriŋ kamiu; ape si nau qe tete toa, i Varagai tete van ma sur kamiu; nava si nau qe mule, na te vatraŋia ma sur kamiu. Wa alo ni te van ma, ni te ge ilo vaglala o marama ape ganganor, wa ape taniniga, wa ape veveg.

Tamaine gina kamiu we lolowono ti ilokenake; pa na te ilo mulaŋ kamiu, wa natoqamiu te malakalaka, wa isei gate lareag nomiu o malakalaka nan kamiu. Wa alo qoŋ ilone kamiu tete varus inau ape sava. We nun, we nun, nau we vava mun kamiu wa, Kamiu ta paere o sava tea amen o Mama, ni te la at ilone mun kamiu alo sasak.

We nun, we nun, nau we vava mun kamiu wa, Kamiu te taŋitaŋi wa te ruruŋtap momiu, pa o marama te malakalaka; wa ikamiu te lolowono, pa nomiu o lolowono te ris malakalaka nia.