Popular Bible Verses from Habacuc 3

Share

Manchuc mi mu'yuc vajal ta nich ti icuxe, manchuc mi ch'abal sat ti uvae, manchuc mi mu xloc' sat ti olivoe, manchuc mi mu mu'yuc c'usi ta xloc' ti ta locbil banomile, manchuc mi ta xlaj ti chij ta scorrale, manchuc mi ch'abal ti vacax ta svayebtaque, scotol ti va'i s'elan taje, ximuyubaj no'ox yu'un ti Diose; xlaet no'ox banomil ta xca'i yu'un ti Dios ti ja' cajcoltavaneje.

Ti Diose ta xac'bun quip, ta xac'be yip ti cacane yo' jech xivilet no'ox ta anil jech c'u cha'al ti yaxal muc' ta te'tical chije. Ta xiyic'un batel ta toyol ti ja' to tey ta xic'ot ta pojele.

C'alal ta xca'i ti ac'oplale, Cajval, xchi'uc scotol ti c'usi laj xa apas talele, ta xc'ot ta yut co'nton ti ta jnijan jchiman jbae. C'otuc ta pasel avu'un avi tana li'e, ti c'usitic muc'tic ta xapase jech c'u cha'al laj apas ta vo'nee yo' jech ta xcojtiquincutic ec. Vinajeso ta jtojolcutic ti syail xc'uxul avo'ntone ac'o mi ilinemot to.