Popular Bible Verses from Génesis 15

Share

Va'i un, ti Abrame, teq'uel lec c'ot ta yo'nton ti jech albat yu'un ti Diose. Jech o xal un, ti Diose loc' ta yo'nton ec ti laj sbis ta jun tuq'uil vinique.

C'alal laj ti va'i s'elan taj une, ti Abrame ta jech to yepal jam sba sat, ja' o xi albat yu'un ti Diose: —Mu xaxi', Abram, yu'un vu'un avajpojobbailun. Yu'un ti matanal ti oy sc'oplal ta xc'ot ta atojole, mu xa ono'ox albajuc yepal ta xbat.

Ja' yu'un un, ti Diose laj yic' loq'uel ti Abram ti xi laj yalbee: —Q'uelo avil batel ti vinajele. Ato avil ti c'analetic mi xchap avu'une. Ja' yu'un un cha'e, ja' jech yepal ta xbat ti anitilultaque.

Ti Diose xi laj staq'ue: —Ti buch'u ta xich' comel ti c'usi x'ayan avu'une, anich'on atuc, ma'uc yan.

Va'i un, xi albat yu'un ti Diose: —Sc'an xana', ti anitilultaque ta xbat nacliicuc ta yan muc' ta lum. Ta xich'ic mosovinel xtoc. Ta xich'ic svocolic ta ilbajinel chanib ciento (400) jabil.

Ti Abrame xi laj staq'ue: —Cajval, Ch'ul Dios, ¿c'usi xtun o ti ta xavac'bun ep ti jmotone c'alal xana' lec ch'abal ti jnich'nabe?

Ti jech c'ac'al taje, ja' o ti Diose laj yac' strate xchi'uc ti Abram ti xi laj yalbee: —Ti banomil li'e, ja' ta xcac'be ti anitilultaque. Ta xlic ta yuc'umal Egipto, ta x'ech' ta muc' ta uc'um yoc ti uc'um Eufratese.

Va'i un, c'alal mi ech' xa ox ti xchancoj jujuvoc' totil me'iletique, jech ti anitilultaque ta sutic talel li' ta banomile. Avie, yu'un mu to ta xc'ot bu xa c'alal mu ts'icbaj xchopolalic ti amorreoetique.