Popular Bible Verses from 1 Timoteo 4

Share

Ac'o iluc ti oy stuq'uil ta xac'opoje, ti oy stuq'uil ti c'usi ta xapase, ti c'otem ta avo'nton ta xch'unel ti Diose, ti oy syail c'uxul avo'ntone, ti lec ta q'uelel ti acuxlejale. Mi jech ta xapase, manchuc mi queremot to, mu xasbajic ti jch'unolajeletique.

Ac'o mi ta xtun yu'un ti buch'u yacal ta xchan yip ta xicubtasel ti sbec'tal stacopale, ja'uc ta spasel ti c'usi ta sc'an ti Diose, tsots sc'oplal ta xtun ta sventa scotol, ti albil sc'oplal ti oy c'usi ta xich' tael yu'un ti jech li' to cuxulotic ta banomile, xchi'uc ti le' to sq'ueloj batele.

Ich'o aba ta c'ac'al un, bijan yu'un ti c'u s'elan ta xachanubtas ti yane, ti junuc avo'nton yu'un scotole. Mi jech ta xapase, ta xacol, xchi'uc ta xcolic ec ti buch'utic ta xa'iic ti ac'ope.

Jamal ta xal ti Ch'ul Espiritue ti c'alal slajebtic xa batel ti c'ac'ale, oy jlom ta xicta sbaic ta xch'unel ti Cajvaltique, ta xbat sts'acliic jlo'lavanej jchanubtasvanejetic ti liquem talel ta stojol pucuj ti c'u s'elan ta xchanubtasvanique.

Mu xats'et-chiquinta ta ya'yiel lo'iletic ti naca sventa sba banomil no'oxe, mu xloc' venta ta a'yiel. Ja' paso tsatsal ta spasel ti c'usi ta sc'an ti Diose.

Ti jech mu'yuc to ta xic'ote, o'ntolino ta sq'uelel ti sc'op Dios ta stojol scotolic. Chanubtaso ta stsatsubtasbel yo'ntonic ti jch'unolajeletique.